Sumiran Salhes Diragaman Geet Maithili Lokgeet
से देलकै श्राप प्रेमीयौ / सुमिरन एवं सलहेस द्विरागमन गीत मैथिली
से देलकै श्राप प्रेमीयौ
मायावती परीब के
से देलकै श्राप प्रेमी सब
मायावती परीब के
हौ प्रेऽऽ मीऽऽ सब
आ दऽ देलकै सराप मुनि आय
मायावती आइ कनियाँ के
दऽ देलकै सराप मुनि आय
मायावती कनियाँ केऽऽऽ।
से बाबा हौ बाऽऽ बाऽऽ / सुमिरन एवं सलहेस द्विरागमन गीत मैथिली
से बाबा हौ बाऽऽ बाऽऽ
आब कनिको दरशनमा दीयौ
अधपेरियामे
आब कनिको दरशनमा हौ बाबा
दीऔ अधपेरियामे ने यौऽऽ
आ हौ एको रत्ती नजरिया उठाके
हमरा ऊपरमे ताकि दियौ
एक्को रत्ती नजरिया बाबा
हमरा पर ताकि दिौ यौऽऽऽ।।
सुमिरनमा आइ सुमिरन, सुमिरन हम करै छी / सुमिरन एवं सलहेस द्विरागमन गीत मैथिली
सुमिरनमा आइ सुमिरन, सुमिरन हम करै छी
सुमिरन आइ सुमिरन आ सुमिरन हम करै छी
मैया ने गयऽ।
प्रथम सुमिरऽऽ नमा सुमिरनमा
आब प्रथम सुमिरन करै छी
गुरू के हौ चरनमामे
प्रथम सुमिरन करै छी
गुरू के चरणीयामे नै गयऽऽ।
आ गहबर निऽ रमान आइ देवता / सुमिरन एवं सलहेस द्विरागमन गीत मैथिली
आ गहबर निऽ रमान आइ देवता
कऽ देलकै महिसौथामे
गहबर निर्माण देवता
कऽ देलकै महिसौथामे
आब कमल तऽ दह से
आब कमल दह से उत्पैन भेल छै
श्री सतबरता के
कमलदह से उत्पैन भेल छै
श्री सतबरता के नै हयऽऽ।
ओही तऽ आय समान आब बच्चा / सुमिरन एवं सलहेस द्विरागमन गीत मैथिली
ओही तऽ आय समान आब बच्चा
उत्पैन होइ छै पुरनी तऽ पातबा पर
ओही समान तऽ उत्पैन बच्चा होइ छै
पुरनी तऽ पतबा पर
खेलै छै तऽ हो बऽऽ चा
खेलै छै तऽ दुनू पाता
जल पुरनी पाता परै छै
जल पुरनी पात पर ने है।
से सुनियौ वरननमा / सुमिरन एवं सलहेस द्विरागमन गीत मैथिली
से सुनियौ वरननमा
आहो वराटपुरमे आइ वसै छै हौ
राजा वराट ने हौ
बराटपुरमे बसै छै हौ दादा
राजा वराट ने हौ।
से शादी के योग मंदोदरी / सुमिरन एवं सलहेस द्विरागमन गीत मैथिली
से शादी के योग मंदोदरी
करै छथिन श्री सतबरता के
से शादी के योग मंदोदरि
करै श्री सतबरता के ने गय।
आब कतऽ तऽ आइ कनियाँ
आब देबता जोकर जनम तऽ
आइ जनम लेने छै बसुधामे
देवता जोकर लड़की हौ दादा
कत जनम लेने छै बसुधामे ने हौऽ।
से सात सय पाठा मोती, खेलबै महिसौथामे / सुमिरन एवं सलहेस द्विरागमन गीत मैथिली
से सात सय पाठा मोती, खेलबै महिसौथामे
आय सात सय पाठा बरिया
खेलबै महिसौथामे यौ
सात सय पाठा
सात सय पाठा यौ मोती
खेलबै छै महिसौथामे
सात सय पाठा बरिया
खेलबै महिसौथामे ने हौ।
से बौआ जोकर आब लड़की लगै छै आब / सुमिरन एवं सलहेस द्विरागमन गीत मैथिली
से बौआ जोकर आब लड़की लगै छै आब
बराटपुरमे
से बौआ जोकर लड़की हौ लागै छै
राज तऽ बराटपुरमे हय।
हौ मनके तऽ ब्याह
ओकरे से तऽ ब्याह लिखै छै
श्री सतबरता के
ओकरे से आइ ब्याह लिखै छै
सीरी सतबरता के नै हय।
से वर से तऽ सतबरता छलै / सुमिरन एवं सलहेस द्विरागमन गीत मैथिली
से वर से तऽ सतबरता छलै
हजमा बाखरि तँ नगरिया के
आ वर तऽ सतबरता छलै हजमा
वासरि तऽ नगरिया के ने हय।
आ केना कऽ हम तऽ ब्याह करबै / सुमिरन एवं सलहेस द्विरागमन गीत मैथिली
आ केना कऽ हम तऽ ब्याह करबै
राज तऽ महिसौथामे
आ केना कऽ तऽ बिआह करबै
राज तऽ महिसौथामे ने हय।
आब केना के आइ तऽ बिआह
आब केना के आय बिआह हौ करबौ
सामैरबती हौ दुलहीनियाँ के
आ केना के बिआह करबै
सॉमेरबती दुलहीनियाँ के ने हय।।
से जल्दी से आब अबियौ मंदोदरि गय / सुमिरन एवं सलहेस द्विरागमन गीत मैथिली
से जल्दी से आब अबियौ मंदोदरि गय
राज तऽ महिसौथामे ने गय
से जल्दी से अबियौ माता
राज महिसौथामे ने गय।
जे मइया गे मइया
आ गै दीयौ दरशनमा गैमाता
हमरा राज तऽ महिसौथामे
आ दीयौ दरशनमा गैमाता
हमराराज तऽ महिसौथामे ने।
से खैनीये हौ लाथे / सुमिरन एवं सलहेस द्विरागमन गीत मैथिली
से खैनीये हौ लाथे
भागल आय हजमा जाइ छै
राज महिसौथा के
भागल आय हमा जाइ छै
राज महिसौथा के ने हय।
से बोमछल पलटन हौ दादा / सुमिरन एवं सलहेस द्विरागमन गीत मैथिली
से बोमछल पलटन हौ दादा
भागल जखनी जाइ छै
बोमछल पलटन जखनी
भागल हौ दादा जाइ छै ने हौ।
पीठिया ठोक पलटन जखनी
चल जाइ छै
पीठिया ठोक पलटन जखनी चल जाइ छै ने हौ।
से नेने भागल जाइ छै पलटनियॉ सभ / सुमिरन एवं सलहेस द्विरागमन गीत मैथिली
से नेने भागल जाइ छै पलटनियॉ सभ
राज तऽ बराटपुरमे
से भागल तऽ जाइ छै पलटनियॉ
राज तऽ बराटपुरमे ने हौ
हौ दादा
आब भागल पलटन जाइ छै हौ
आइ नेने छौड़ा चन्देसराके
आ नेने जाइ छै हौ दादा
छौड़ा चन्देसराके ने हय
अस्सी मन पथलवा उठाके / सुमिरन एवं सलहेस द्विरागमन गीत मैथिली
अस्सी मन पथलवा उठाके
छाती पर राखि देलकै
आ अस्सी मन पथलवा उठा कऽ
छाती पर राखि देलकै हौऽ
आब अस्सी मन पथलवा
उठाके छाती पर आइ दऽ देलकै
अस्सी मन पथलवा उठा कऽ
छाती पर दऽ देलकै हय।
आ तौलि के ताल बरिया / सुमिरन एवं सलहेस द्विरागमन गीत मैथिली
आ तौलि के ताल बरिया
मोतीराम मारै छै
आ तौलि के ताल बरिया
मोतीराम बान्है छै ने हौ।
तौल के ताल-2 बरिया
मोतीराम बान्है छै ने हय।
मामा हौ मामा / सुमिरन एवं सलहेस द्विरागमन गीत मैथिली
मामा हौ मामा
आब तऽ बड़े जुलुम तऽ केलहऽ
महिसौथामे ने हौ-2
हौ मामा
आहौ दिनके मनौन भार आइ होइ छै
आ दिन के मनौन हौ मामा भार नइ केलहक मामा हौ।
आ जतरा बनाबै छै मोतीराम / सुमिरन एवं सलहेस द्विरागमन गीत मैथिली
आ जतरा बनाबै छै मोतीराम
राज तऽ हौ बरौटपुर के
आ जतरा बनाबै मोतीराम
राज तऽ बराँटपुर के ने हय
आब घड़िएक आइ चललै
आब घड़िएक आइ चलै छै बरिया
राज तऽ बराँटपुरमे ने हय-2।
बहिना गे बहिना / सुमिरन एवं सलहेस द्विरागमन गीत मैथिली
बहिना गे बहिना
आगे केकरा से दिन बहिना
से केकरा तऽ दिन बहिना सीरीठ भऽ गेलौ ने
आगे आबै छै आब कहौतिया
आगे आबै छै तऽ कहौतिया आ बहिना
आबै छै आब बटोहिया
आब छै कहौतिया बटोहिया ने गय।
चूरा चाउर के भार छिनबै / सुमिरन एवं सलहेस द्विरागमन गीत मैथिली
चूरा चाउर के भार छिनबै
ओही तऽ बटाहिया के
आ चूरा चाउर के भार छिनबै
ओहि तऽ बटोहिया के ने हय।
कतऽ से घसवहिनी हौ मामा / सुमिरन एवं सलहेस द्विरागमन गीत मैथिली
कतऽ से घसवहिनी हौ मामा
परती पर आइ बैसि गेलै
सात सय घसवहिनी मामा
परती पर आइ बैसि ने गेलै हौऽऽ
गै बहिना / सुमिरन एवं सलहेस द्विरागमन गीत मैथिली
गै बहिना
चूरा चाउर के भार बटोहिया के
हम छिनबै
आ चूरा चाउर के भार हम
बटोहिया के छीनबै ने गयऽऽ-2
बहिना गे बहिना
चुरा चाउर के भार हम
बटोहिया के हम छीनबै-2
आ दुलकल आब जाइ छै मोतीराम / सुमिरन एवं सलहेस द्विरागमन गीत मैथिली
आ दुलकल आब जाइ छै मोतीराम
छोपहा तऽ आइ चौड़ीमे
आ दुबकल आइ जाइ छै हौ मामा
छोपहा तऽ आइ चौड़ीमे ने हय
आब रास्ता नै छोड़िके जेबै हौ मामा / सुमिरन एवं सलहेस द्विरागमन गीत मैथिली
आब रास्ता नै छोड़िके जेबै हौ मामा
जखन राज तऽ बराँटपुरमे।-2
आब सात सय हौ घसवहिनी
आब सात सय घसवहिनी
आब सात सय घसवहिनी
थोपड़ी जखन मारि देतह
सात सय घवहिनी मामा
थोपड़ी जखन मारि देतह हौ
पहिने हम चेतौलिअ हे मामा / सुमिरन एवं सलहेस द्विरागमन गीत मैथिली
पहिने हम चेतौलिअ हे मामा
बात नइ मानलहक
आ पहिने चेतौलिअ हौ मामा
बात नइ मानलहक हौ
हौ मामा
पहिले हम चेतौलिअ हौ मामा
बात नइ मान्हलक।-2
से जोतल कोरल खेतमे भगिना / सुमिरन एवं सलहेस द्विरागमन गीत मैथिली
से जोतल कोरल खेतमे भगिना
हमरा बैसा देलकै हौ
हमौ भगिना
आरो आँखिके आन्हर हमरा केलकै
छोपहा तऽ चौड़ी मे-2
आ सात सय घसवहिनी के आय / सुमिरन एवं सलहेस द्विरागमन गीत मैथिली
आ सात सय घसवहिनी के आय
मारै छै तऽ छोपहा चौरीमे
आ सात सय घसवहिनी के आय
मारै छै तऽ चौरीमे ने हय।।
हौ मामा।
आब बदला तऽ सधा लय हौ मामा
सबटा तऽ घसवहिनीसे
आ बदला तऽ सधा लय हौ मामा
सबटा घसवहिनी से ने हय।
से बाप से भेंट कर देबौ / सुमिरन एवं सलहेस द्विरागमन गीत मैथिली
से बाप से भेंट कर देबौ
राज तऽ बराँटपुरमे
से बाप से भेंट करा देबौ
राज तऽ बराँटपुरमे ने गय।।
से बौआ औ बौआ / सुमिरन एवं सलहेस द्विरागमन गीत मैथिली
से बौआ औ बौआ
जेहने देवरबा जे लगै छीयै
सती तऽ दुलहिनियाँ के
जेहने आइ देओरबा लगै छीयै
सती तऽ साबैरमत्ती के ने हय।
हयै बौआ।
आब तेहने हम देओर माँगै छी
मोतीराम दुलरबा-2
से राजा हौ राजा / सुमिरन एवं सलहेस द्विरागमन गीत मैथिली
से राजा हौ राजा
बन्हुआँ जे खौललके हौ राजा
जल्दी से लऽ ने दीयौ
से बन्हुआँ से खोललकै राजा
जल्दी से लऽ ने दीयौ हौ।
आबै छै कहौतिया
आब आबै तऽ कहौतिया
मोतीराम दुलरुआ-2 ने हय।
जान नै तऽ आब बचतौ बौआ / सुमिरन एवं सलहेस द्विरागमन गीत मैथिली
जान नै तऽ आब बचतौ बौआ
राज तऽ आइ बराँटपुरमे
जान नै तऽ आब बचतौ बौआ
आबय छै तऽ बतहबाऽऽ-2
मोतीराम राज तऽ महिसौथाके ने हय
से अग्नि के कुण्डमे हौ राजा / सुमिरन एवं सलहेस द्विरागमन गीत मैथिली
से अग्नि के कुण्डमे हौ राजा
देने छेलै मलिनियाँ के
अग्नि कुण्डमे दादा
देने छेलै मलिनियाँ के
आब भगति आइ करैलय
आब भगति आइ करैलय
मलिनियाँ सब
अग्नि तऽ कुण्डवामे
आ भगति करैछै मलिनियाँ सब
अग्नि तऽ कुण्डवामे नै हौ।
से बड़-बड़ भगति मोरंगमे जे केलीयै
शनि रवि पवनी बरत टेकलियै
एकादशी हरि बातो केलियै
नीक जल तुलसी ढ़ारलियै
नीक जल तुलसी ढ़ारलियै
शनि रवि अठवारे केलियै
आठो महीना गंगा नहेलियै
गंगामे एकटंगा देलीयै
पूरूब राज पूरनियाँ गेलीयै
जड़ि माटि कोशिकामे देलीयै
कोशिका माय के साखी रखलियै
हाथी चढ़ि कऽ गौड़ पूजलीयै
दीनानाथ के सुमिरन केलियै
खोंपा छतौना मोरंगीया बन्हलीयै
झरि पोंछ-कोंचा कोचामे झारली
मखमल चोलीया गातऽ लगौलीयै
जेना-जेना मन हेतै
तेना-तेना करबै
सवामी अऔतै पलंग पर बैसीतै
ओह सभ सारि स्वामी संग खेलबै
आब मन के ममोलबा गै बहिना
मोरंगमे बीता लेबै
आ मन के ममोलबा बहिना
आ मोरंगेमे बीता लेबै गय।
गै रामजोड़ी बहिना
तइयो ने बेइमनमा दुसधवा गै
दरशनमा देलकै
तइयो ने बेइमनमा
दरशन तऽ देलकै गै
हौ चलै छै मोतीराम / सुमिरन एवं सलहेस द्विरागमन गीत मैथिली
हौ चलै छै मोतीराम
भागल आय मोतीराम राज तऽ महिसौथा के
आ भागल तऽ जाइ छै बरिया
राज तऽ महिसौथा के ने हय।
डोलीया फलाँ के हम जेबै / सुमिरन एवं सलहेस द्विरागमन गीत मैथिली
डोलीया फलाँ के हम जेबै
सती हम भौजी के
डोली फलाँ के हम जेबै
सती तऽ हम भौजी के
हमर दिन आब मानीयौ
दिअ हौ हुकुम हौ राजा
मोतीराम दुलरूआ केऽ-2।
बाप से तऽ भेंट करेबह / सुमिरन एवं सलहेस द्विरागमन गीत मैथिली
बाप से तऽ भेंट करेबह
राज तऽ बराँटपुरमे
आ बाप से तऽ भेंट करेबह
राज तऽ बराँटपुरमे ने हय।
राजायौ राजा
बाप से तऽ भेंट करेबौ
राज तऽ बराँटपुरमे ने हौ।
हौ मइया दुर्गा के पूजा करै छै / सुमिरन एवं सलहेस द्विरागमन गीत मैथिली
हौ मइया दुर्गा के पूजा करै छै
राज तऽ मोरंगमे
मइया दुर्गा के पूजा करै छै
सब तऽ मलीनियॉ बहिन गय।
से मइया गे मइया।
से कत दरशनमा नरूपिया मैया गै / सुमिरन एवं सलहेस द्विरागमन गीत मैथिली
से कत दरशनमा नरूपिया मैया गै
हमरा तऽ दइतै
कत दरशनमा मैया जी
स्वामी हमरा दऽ देतै
रामजोड़ी गै बहिना
चल-चल गै बहिना
स्वामी के तऽ खोजैलय
रने-बने तऽ रटै छै मलीनियाँ / सुमिरन एवं सलहेस द्विरागमन गीत मैथिली
रने-बने तऽ रटै छै मलीनियाँ
श्री तऽ सतबरता के
रने बने दरशनमा के नइ हौइ छै
सती मलीनियाँ के ने हय।
हे रामजोड़ी बहीना
मलिनियाँ सब अपन लीला सुनबैय।
आ गै बड़ बड़ भगति हम केलीयै
श्री तऽ मोरंगमे
बड़-बड़ भगति हम केलीयै
श्री तऽ मोरंगमे ने गय
गय चनन काटिकऽ पौआ बनौलियै
सड़ड़ काटि के पासि देलीयै
काँचे धागासँ पलंगीया धोरौलियै
फूले ओछौना, फूले बिछौना
फूले के सिरहौना दैलीयै
चानन काटि के पौआ बनौलियौ
गुआ चानन अंगना बड़ ंिछंटलौ
भेदनीफूल हम गाँजा लटौलियै
सोना चिलमबा रूपा ठेकरिया
अँचरा फाड़ि हम पलीता बनौलियै
मँह-मँह मँह-मँह मँह-मँह करै पलंगिया
सोना थाड़ सिरमामे देलीयै
रूपा थाड़ गोरथारीमे देलीयै
पान खाइत पनबट्टा जोगौलियै
बंगला पान स्वामी ले देलीयै
तइयो ने निर्दइया दरशन देलकै
जादू मारि हम सुग्गा बनेबै
लऽ पिंजड़ा हम मोरंग जेबै
आब-युग-युग हम राज गै बहिना
मोरंगमे हम भोगबै
युग-युग राज हम बहिना
मोरंगमे भोगबै ने गय।
साजै छै बरियाती दादा / सुमिरन एवं सलहेस द्विरागमन गीत मैथिली
साजै छै बरियाती दादा
राजा बराँटपुर के ने हय-2
आब साजै छै बरियाती-2 दुलरा
राज तऽ बराँटपुर केऽऽ
साजै छै बराँटपुर के दादा
राज तऽ बराँटपुर के ने हय।
से उत्तराखंड के जतरा केलकै / सुमिरन एवं सलहेस द्विरागमन गीत मैथिली
से उत्तराखंड के जतरा केलकै
सात दिन के रस्ता लगै छै
धौलागिरी के रस्ता घेलकै
तीन दिन तीन राति जे बीतलै
चारिमा दिन धौलागिरी जे गेलै
धौलागिरीमे डेरा खसौलकै
तीन दिन तीन राति रहलकै
खाड़-खाड़मे देवता खोजै छै
पात-पातमे स्वामी खोजै छै
कतौ उदेश स्वामी के नै भेटै
पँचमा दिनमेडेरा तोड़ै छै
उदयचाड़ घिर जिला गेलै
उदय चौर पर डेरा गिरौलकौ
सात खोला तऽ आगू बढ़तौ
तिलयुगामे डेरा गिरौलकै
हाथी के बाजारऽ देखलकै
समतोला के ढ़ेरी देखलकै
ओहिठाम स्वामी मलीनिया तकै छै
कतै उदेश स्वामी के नइ भेटलै
पछिम राज के हौ जतरा केलकै
तीरबे तीन तीरपेखन फेलकै
तइयो स्वामी के उदेश नइ पेलकै
लाल हाट सग पगिया गेलै
ऊलीसिंह के हाटो लगै छै
चल चल बहिना लाल हाटमे
स्वामी मिलतै जादू मारबै
से हँसि के तऽ मारतऽ हौ मामा / सुमिरन एवं सलहेस द्विरागमन गीत मैथिली
से हँसि के तऽ मारतऽ हौ मामा
राज तऽ बराँटपुरमे
हँसि के मारि देतऽ हौ मामा
राज तऽ बराँटपुरमे
हौ मामा मामा
केना कऽ प्रतीष्ठा बँचतै
राज तऽ बराँटपुरमे
केनाक प्रतीष्ठा बँचतै
राज तऽ बराँटपुरमे हय
से अपने पहरा पर कहियै बेइमनमा / सुमिरन एवं सलहेस द्विरागमन गीत मैथिली
से अपने पहरा पर कहियै बेइमनमा
भौरानंद हाथी के।
से अपने पहरा पर कहियौ मामा
आ भौरानंद हाथी के ने हय।
हौ मामा।
हम नइ पहरा करबै भौरानंद हाथी लग
हम नइ आराम करबै भौरानंद हाथी लगहय
सात सय बरियाती हौ जाइ छै / सुमिरन एवं सलहेस द्विरागमन गीत मैथिली
सात सय बरियाती हौ जाइ छै
रात तऽ बराँटपुर के
साजल बरियाती जुमि गेलै
साजल बरियाती जुमि गेलै
बराँटपुर के परती पर ने हय।
से भागल दुर्गा जाइ छै प्रेमी भैया / सुमिरन एवं सलहेस द्विरागमन गीत मैथिली
से भागल दुर्गा जाइ छै प्रेमी भैया
महुरा जंगलबामे
आ भागल दुर्गा जाइ छै-
महुरा जंगलबामे ने हय
आ भागल आइ जाइ छै
भागल आइ दुर्गा जाइ छै
महुरा जंगलबा मे।-2
से सुतल छै आइ मलीनियाँ दादा / सुमिरन एवं सलहेस द्विरागमन गीत मैथिली
से सुतल छै आइ मलीनियाँ दादा
महुरा तऽ जंगलबामे
सुतल छै आइ मलीनियाँ
महुरा तऽ जंगलबामे
आ सुतल छै मलीनियाँ सभ
आइ महुरा के तऽ जंगलबामे ने हय।-2
से सीताराम सीताराम देवता / सुमिरन एवं सलहेस द्विरागमन गीत मैथिली
से सीताराम सीताराम देवता
सुगना के पढ़ावइ छै
सीताराम सीताराम से
सुगना पढ़ावइ छै
सुगा हौ हिरामनि
सीताराम सीताराम सुगना
पढ़ै छै पिजरबामे
सीताराम सीताराम
सोना के पिजरबामे पढ़ै छै ने हय।
सती गै मलीनियाँ / सुमिरन एवं सलहेस द्विरागमन गीत मैथिली
सती गै मलीनियाँ
केना कऽ सुतल छै भगति गै
महुरा के जंगलबामे
आ केना कऽ सुतल छै गै भगति
महुरा जंगलबामे ने गय।
आब तेकरे आइ करणमा मलीनियाँ गै
रने-बने रटै छै
आ तकरे करणना मलीनियाँ
रने-बने रटै छै ने गय।
से देबता आइ चोराकऽ गै मलीनियाँ / सुमिरन एवं सलहेस द्विरागमन गीत मैथिली
से देबता आइ चोराकऽ गै मलीनियाँ
ल कऽ भागि तऽ चलि जीहै
देवता चोराकऽ मलीनियाँ
मोरंग तऽ लऽ ने जीहै गैय-2
आगै हमर पोखरि लगबीहै
चल चल चल गै मलीनियाँ
पेरा अधपेरियामे ने गय-2
आ कखनी देखेबय मंदोदरी / सुमिरन एवं सलहेस द्विरागमन गीत मैथिली
आ कखनी देखेबय मंदोदरी
सीरी सतबरता के
कखनी देखेबय माता
सीरी सतबरता के ने गय।
हम नइ तऽ गौनमा कराबऽ देबै / सुमिरन एवं सलहेस द्विरागमन गीत मैथिली
हम नइ तऽ गौनमा कराबऽ देबै
राज तऽ बराँटपुरमे ने गय।
आब रस्ता धरलकै मलीनियाँ
भागल मलीनियाँ जाइ छै
बराँटपुर के परती पर
आ भागल तऽ मलीनियाँ जाइ छै
बराँटपुर के परती पर ने हौ।
रामजोड़ी बहिना / सुमिरन एवं सलहेस द्विरागमन गीत मैथिली
रामजोड़ी बहिना
सुनिते जे छेलीयै बहिना
सामी वरननमा
आ सुनिते जे छेलीयै बहिना
सामी बरननमा बहिना गै।
आ केना कऽ बेइमनमा मिल जेबै
आ गै केना कऽ बेइमनमा-मिल जेबै
बहुरा नगरिया मेने गै।
से एक्को बेर पलको नै सखै छै / सुमिरन एवं सलहेस द्विरागमन गीत मैथिली
से एक्को बेर पलको नै सखै छै
भौरानंद ने हाथी पर
पलको ने सखाबै छै दादा
भौरानंद हाथी पर ने हय।
से सीरी यौ भगवान।
आब मने मन सोचै छै नरूपिया
आ भौरानंद हाथी पर
मने मन सोचै छै नरूपिया
आ भौरानंद हाथी पर ने हौ।
भागल मलीनियाँ जाइ छै / सुमिरन एवं सलहेस द्विरागमन गीत मैथिली
भागल मलीनियाँ जाइ छै
भौरानंद हाथी लग सेँ
भागल मलीनियाँ जाइ छै
भौरानंद हाथी लग से हय।
आहौ सुनि बरननमा
आहौ सुनि बरनमा ने भौरानंद हाथी के
सुनीयो बरननमा प्रेमी सब
भौरानंद हाथी पर ने हय।
से खाली हौदा जखनी देखै छै बौआ / सुमिरन एवं सलहेस द्विरागमन गीत मैथिली
से खाली हौदा जखनी देखै छै बौआ
भौरानंदमे हाथी के
आ खाली हौदा जे देखै छै मोतीराम
आ भौरानंद हाथी के ने हय।
आहौ खाली तऽ देखैय
आबौ खाली हौदा देखैय छै नारायण
भौरानंद हाथी के ने हय।
से मारै छै आइ ओंङगहरिया मोतीराम / सुमिरन एवं सलहेस द्विरागमन गीत मैथिली
से मारै छै आइ ओंङगहरिया मोतीराम
बराँटपुर के परती पर
मारै छै ओंगहयिा मोतीराम
बराँटपुर के परती पर ने हय।
बिना तऽ आइ दुलहा के
आ बिना तऽ दुलहा के
बरियाती कोना हम जयबै।
आ बिना तऽ वर के हम
बरियाती कोना जयबै दइबा हय।
से चमड़ी तऽ आइ ओदारि देबौ मैया हम / सुमिरन एवं सलहेस द्विरागमन गीत मैथिली
से चमड़ी तऽ आइ ओदारि देबौ मैया हम
एहि बरियातीमे
चमड़ी तऽ ओदारि देबौ मइया
एहि तऽ बरियातीमे ने गय।
आगै कतऽ गेलै सहोदरा
कत भागि कऽ चलि गेलै भैया हमर
कत तऽ भागि कऽ अभागिया जल्दी बतबियै
भैया अय।-2
भागल तऽ बहुरहबा जाइ छै / सुमिरन एवं सलहेस द्विरागमन गीत मैथिली
भागल तऽ बहुरहबा जाइ छै
दुलहा के तऽ आइ छोड़ाबै लय
आ भागल तऽ बहुरहबा जाइ छै
आ दुलहा छोड़ाबैय लय ने गय।
हौ प्रेमी सब
आब बुझि गेलै पाँचों हयऽ बहिनियाँ
मोतीराम आब अबै अय।
बुझि गेलै पाँचो मलीनियाँ
मोतीराम अबै छै ने अय।
आ ढ़ीला हेरि करै छै मलीनियाँ / सुमिरन एवं सलहेस द्विरागमन गीत मैथिली
आ ढ़ीला हेरि करै छै मलीनियाँ
बीच तऽ गाम पर
ढ़ीला हेरि करै छै मलीनियाँ
ठेंगही तऽ गाम पर ने हय।
आ ढ़ीला हेरि करै छै
सभ तऽ मलीनियाँ जखनी ठेंगही तऽ गाम पर
सभ तऽ मलीनियाँ बैठलै
ठेंगही तऽ गाम पर ने गय।।
हौ दुलहा हौ दुलहा / सुमिरन एवं सलहेस द्विरागमन गीत मैथिली
हौ दुलहा हौ दुलहा
आब हम नइ तऽ चौरौलियौ तऽ बौआ हौ
तोरो तऽ सहोदरा के
आ हम नइ चौरौलियौ बौआ
तोरो तऽ सहोदरा के ने हय।
आ तौलके जे कोड़ा ही दादा / सुमिरन एवं सलहेस द्विरागमन गीत मैथिली
आ तौलके जे कोड़ा ही दादा
देलकै नटिनियाँ के
आ तौल के कोड़ा मारै
पाँचोतऽ नटिनियाँ के।
जल्दी बतबियौ नटिनियाँ
हमरा तऽ भैया के।-2
घोड़ा तऽ उड़ाबै छै सुगना / सुमिरन एवं सलहेस द्विरागमन गीत मैथिली
घोड़ा तऽ उड़ाबै छै सुगना
ठेंगही तऽ बाँध पर
घोड़ा आब उड़ाबै छै बरूआ
आब ठेंगही के बाँध पर ने हय।
आब पलक तँ घड़ी मे
आब पले तँ घड़ीमे जुमि गेलै
बराँटपुर के परती पर ने हय-2
आ जुमि गेलै बरियाती जखनी
राजा के ड्योढ़िया पर ने हय
लागल छै आइ सभुआ
आ भरल कचहरी छेलै
राजा तऽ बराँट केऽ
आ भरल कचहरी छेलै
राजा तऽ बराँट के ने हय।
हम नहि आइ दुलहा के देबै बैठकी आइ उपरबा मे / सुमिरन एवं सलहेस द्विरागमन गीत मैथिली
हम नहि आइ दुलहा के देबै बैठकी आइ उपरबा मे
हम नहि आइ दुलहा के देबै
आ बैठकी उपरबामे ने हय।
खाल खिंची के भुसा हम भरि देबऽ / सुमिरन एवं सलहेस द्विरागमन गीत मैथिली
खाल खिंची के भुसा हम भरि देबऽ
राज तऽ बराँटपुरमे
खाल खिंची भुसा भरि देबऽ
राज तऽ बराँटपुरमे हय।
से राजा हौ राजा
तहि तऽ शर्त पर भैया तोरा
हम देयबै।
तहि तऽ शर्त्त पर भैया
तऽ दये देबौ हौ।
दुलहा आइ लऽकऽ आइ सखी सभ / सुमिरन एवं सलहेस द्विरागमन गीत मैथिली
दुलहा आइ लऽकऽ आइ सखी सभ
जाइ छै कोहबरबामे
दुलहा आइ लऽकऽ सखी सभ
जाइ छै कोहबरबामे ने हय।
से घड़ी राति वन अगिली बीतै छै
घड़ी राति वन पैछली बीतै छै
गीदड़ भालु गुड़गुड़ी मारै छै
सुखल डाढ़ि पर कागा बोलै छै
सन सन सन सन खोला उठै छै
पैछली ढारि कर नीनियॉ बोललै
कोहबर घरमे दुलहा पड़लै
विध-बेहबार कोहबरमे होइ छै
दुलहा जे बनि गेलै दादा कोहबर आइ घरबामे
आ दुलहा जे बनि गेलै दादा
कोहबर घरबामे ने हय।।
से चल चल चल गै बहिनियाँ / सुमिरन एवं सलहेस द्विरागमन गीत मैथिली
से चल चल चल गै बहिनियाँ
जान नै हम छोड़बै
चल चल चल गै बहिनीयाँ
जान नै हम छोड़बै गै ने।
से सीरी भगवाना
भागल तऽ मलीनियाँ सभ
जुमि गेलै बराँटपुरमे
भागल तऽ मलीनियाँ सभ आइ
बराँटपुरमे जुमि गेलै हौ।
से सुति रहलै आइ दुलहीनियाँ / सुमिरन एवं सलहेस द्विरागमन गीत मैथिली
से सुति रहलै आइ दुलहीनियाँ
पलंगा ऊपरबा मे
सुति रहलै दुलहीनीयाँ
पलंगा उपरबामे ने हय।
से सीरी यौ भगवान
आब सुति रहलै दुलहीनी
पलंगा तऽ उपरबामे ने हय।-2
आ दुलहाके आइ लऽकऽ मलीनियाँ / सुमिरन एवं सलहेस द्विरागमन गीत मैथिली
आ दुलहाके आइ लऽकऽ मलीनियाँ
भागल जखनी जाइ छै
दुलहा के लऽकऽ मलीनियाँ
भागल जखनी जाइ छै दादा हौ-2
आ सीरी भगवाना
भँवरा के रूप बनि के मलीनियाँ
दुलहा के लऽ गेलै-2
से हकन कनै छै सतबरती / सुमिरन एवं सलहेस द्विरागमन गीत मैथिली
से हकन कनै छै सतबरती
कोहबर घरबामे
हकन कनै छै सतबरती
कोहबर घरबामे ने गय
हौ दइबा
भागल तऽ मलीनियाँ जाइ छै
मोरंग नगरिया के ने-2
से जोंक जे बना कऽ दादाजी / सुमिरन एवं सलहेस द्विरागमन गीत मैथिली
से जोंक जे बना कऽ दादाजी
बरेला दहमे धऽ देलकै-
से जोंक तऽ बना के दादाजी के
बरेला दहमे धऽ ने देलकै हय।
से सीरी यौ भगवाना
देखै छै तमाशा साँमरवती
छौड़ी तऽ मलीनियाँ के
आ देखै छै तमाशा साँमरवती
छौड़ी तऽ मलीनियाँ के ने हय।
आ पसि गेलै आइ सती साँवरमती / सुमिरन एवं सलहेस द्विरागमन गीत मैथिली
आ पसि गेलै आइ सती साँवरमती
दह तऽ बरेलामे
आ पसि गेलै सती दुलहिनियाँ
दह तऽ बरेलामे ने गय।
आब देखियौ हौ लीला
आब चलल छै गुण मारि दादा
सती दुलहिनियाँ के-2
आ उड़ि गेलै तऽ साँमरवती / सुमिरन एवं सलहेस द्विरागमन गीत मैथिली
आ उड़ि गेलै तऽ साँमरवती
दह तऽ बरेलामे
आउड़ि गेलै तऽ साँमरवती
जाइ छै बराँटपुरमे।
भागल चलि जाइ छै
आब भागल चलि जाइ छै
राज तऽ बराँटपुर मे-2
मुँह से खींचै छै मालीन / सुमिरन एवं सलहेस द्विरागमन गीत मैथिली
मुँह से खींचै छै मालीन
दादा सतबरता के
आ मुँह से खींचै मालीन
दादा सतबरता के।
मारि देलकै झपटबा
मारि देलकै झपटबा दुलहिनियाँ
सती दुलहिनियाँ के-2
से हमर तऽ इज्जतिया तऽ बचा दे / सुमिरन एवं सलहेस द्विरागमन गीत मैथिली
से हमर तऽ इज्जतिया तऽ बचा दे
हमर तऽ इज्जतिया बहिनियाँ
तुहीं तऽ बचादेही गै
हमर तऽ इज्जतिया बहिना
बचा दही गै।
जेहने तऽ बाबूजी हमर राज तऽ बराँट
तेहने तऽ तोहरो बाबूजी हेतौ
राज तऽ बराँट ने गय।
कोहबर घर के आइ हाजिर / सुमिरन एवं सलहेस द्विरागमन गीत मैथिली
कोहबर घर के आइ हाजिर
कऽ देलकै हौ बहुरहबा के
कोहबर घर के आइ हाजिर
कऽ देलकै मोतीराम बहरहबा के ने हय।
आब गौनमा करा के
आब गौनमा कराकऽ
जेतै तऽ महिसौथामे
गौनमा कराके दुलहा
जेतै तऽ महिसौथामे ने हय।
से स्वामी अय सामी / सुमिरन एवं सलहेस द्विरागमन गीत मैथिली
से स्वामी अय सामी
आब एक्के बात के अरजिया करै छी
एक्के बात के अरजिया हे स्वामी
जहाँ के करै छी ने अय।
लुल्ही बाघिन तू दानमे माँगिं लिहऽ / सुमिरन एवं सलहेस द्विरागमन गीत मैथिली
लुल्ही बाघिन तू दानमे माँगिं लिहऽ
हमरा बाबूसे
आहौ एत्तेक सवाल
एत्तेक सवाल तऽ खामिन के कहि देलकै
आहै एत्तेक सवाल साँवर
खामिन के कहिने देलकै हेय।
एक सत्त करै छी यौ देवता / सुमिरन एवं सलहेस द्विरागमन गीत मैथिली
एक सत्त करै छी यौ देवता
दू सत तऽ करै छी
तीन सत करै छी चमडीन नाम से
से देवता यौ देवता
जे नहि कहल तोहर करतै
अस्सी कोस नरकमे जाकऽ खसतै यौ।-2
आ डोला लऽ कऽ जाइ छै मोतीराम / सुमिरन एवं सलहेस द्विरागमन गीत मैथिली
आ डोला लऽ कऽ जाइ छै मोतीराम
राज तऽ महिसौथामे
डोला लऽ कऽ जाइ छै मोतीराम
राज तऽ महिसौथा नगरियामे ने हय।
आब जुमि गेलै आय मोतीराम
आ जुमि गेलै मोती दुलरूआ
राज तऽ महिसौथा मे-2।
मोतीराम जुमि गेलाह राज महिसौथा राज मे।
No comments:
Post a Comment