बन्ना गीत मगही लोकगीत लिरिक्स Banna Magahi Geet Lokgeet Lyrics
बाना, माँगे दुलहवा बहार / मगही बन्ना गीत
बाना, माँगे दुलहवा बहार बहार देउँ सरहज।
बाना, माँगे दुलहवा ननद के, ननद देउँ सरहज॥1॥
माथा में दुलहा के मउरी न हइ।
बाना, माँगे दुलहा मोती के हार, हार देउँ सरहज॥2॥
बाबू, दादी पूछतूँ ह घड़ी रे घड़ी / मगही बन्ना गीत
बाबू, दादी पूछतूँ ह घड़ी रे घड़ी।
बाबू कइसन बनल हौ ससुर के गली॥1॥
मामा का तूँ पूछऽ हऽ घड़ी रे घड़ी।
मामा, सोने के मढ़ल ससुर के गली॥2॥
बाबू, झुट्ठो बड़ाई हमरा से करी।
कादो कीचड़ भरल हे ससुर के गली॥3॥
बाबू, भूल गेलऽ आपन बाबू के गली॥4॥
तोहर मउरी हवऽ नव लाख के / मगही बन्ना गीत
तोहर मउरी हवऽ नव लाख के।
जरा जइहऽ काँटे-कुसे बच के॥1॥
नदी नाले से चलिहऽ सँम्हर के।
जरा लाड़ो</ref> से रहिहऽ सँम्हर के॥2॥
आज लाड़ो केरा अजबी बहार रे बना / मगही बन्ना गीत
आज लाड़ो केरा अजबी बहार रे बना।
बाना सुरती गजबी सोहार रे बना॥1॥
बाना, अपन अपन नयनमा सम्हार रे बना।
बाना, लगी जयतउ नजरी के बान रे बना॥2॥
बाना, दुलहा हइ दुलहिन के जोग रे बना॥3॥
बन्ना दादी पूछे हँसि हँसि बात रे बना / मगही बन्ना गीत
बन्ना दादी पूछे हँसि हँसि बात रे बना।
बन्ना, कइसन हथुन तोहर ददियासास रे बना॥1॥
बन्ना, हमर ददियासास जइसन दूध रे बना।
बन्ना, छप्पन रंग खइली ससुरार रे बना॥2॥
बन्ना, एतना बड़इया मति करु रे बना।
बन्ना, खट्टा दही अइसन तोरे सास रे बना॥3॥
बन्ना, झोर भात खयलऽ ससुरार रे बना॥4॥
बेटी के दादा सौदागर रे टोनमा / मगही बन्ना गीत
बेटी के दादा सौदागर रे टोनमा।
हथिया चढ़ल जोग बेचथी रे टोनमा॥1॥
बेटा के बाप भँडुहवा रे टोनमा।
गदहा चढ़ल जोग खरीदथी रे टोनमा॥2॥
चउका चढ़ल बेटी बिहँसथी रे टोनमा॥3॥
कवन पुर तलाओ के मछरी / मगही बन्ना गीत
कवन पुर तलाओ के मछरी, नदी नाला में आयो जी,
बाबा प्यारे टोना।
नदी नाला में आयो जी भइया प्यारे टोना॥1॥
कहवाँ के अइसन गभरू जिनि जाल लगायो जी,
जिनि जाल लगायो जी, भइया प्यारे टोना॥2॥
कहवाँ के अइसन बेटिया जिनि लाल भोरायो जी,
बाबा प्यारे टोना।
जिनि लाल भोरायो जी, भइया प्यारे टोना॥3॥
कवन पुर के अइसन गभरू जिनि जाल लगायो जी,
बाबा प्यारे टोना।
जिनि जाल लगायो जी, भइया प्यारे टोना॥4॥
कवन पुर के अइसन बेटिया, जिनि लाल भोरायो जी
बाबा प्यारे टोना।
जिनि लाल भोरायो जी, भइया प्यारे टोना॥5॥
Comments