अंगिका मनौन गीत -विवाह व्रत का पारंपरिक लोकगीत (Angika Manon Geet)
मैया प्रसाद बाँटती / अंगिका मनौन गीत / लोकगीत
बड़ दुलारी हे माता बड़ दुलरी, अइती शीतल मैया-2
परसाद बाँटती मैया बड़ दुलरी हे मैया बड़ दुलरी।
आइती मालत मैया परसाद बाँटती। बड़ दुलरी हे मैया बड़ दुलरी
अइती धनसरो मैया परसाद बाँटती, मैया बड़ दुलरी।
बड़ दुलरी हे मैया बड़ दुलरी, अइती फुलसरो मैया-2
परसाद बाँटती मैया बड़ दुलरी, बड़ दुलरी हे मैया बड़ दुलरी।
अइती कलिका मैया, परसाद बाँटती मैया बड़ दुलरी
अइती सभ्भे मैया परसाद बाँटती मैया बड़ दुलरी?
गुलाबी रंगल हे ठोर / अंगिका मनौन गीत / लोकगीत
हरिहर सुगना रे सुगना गुलाबी रंगल हे ठोर।2
कौनी तो कारज रे सुगना सिरौनमा लागि रे ठाड़।
हरिहर सुगना रे सुगना गुलाबी रंगल हे ठोर।
तोहरो मुलकात हे माता सिरौनमा लागी हे ठाड़।
किए दुःख पड़लौ रे सुगना, अरे किए पड़लौ रे विपत।
कौनी तेॅ कारज रे सगुना, सिरौनमा लागि रे ठाड़
नहीं दुःख पड़लै सभाई माय-नहीं पड़लै हे विपत।
तोहरो मुलाकात हे मैया-सिरौनमा लागी हे ठाड़।
वन्दना / अंगिका मनौन गीत / लोकगीत
एक घड़ी सुमिरौं शीतल माय, द्वि घड़ी सुमिरौं हे।
दशो घड़ी लियवौं तोहरो नाम हे।
कथी के मनदिरबा शीतल माय, कथी के केवड़िया हे।
कथी घेरलेॅ चारों ओर हे।
पथलेॅ मंदिरवा रे सेवका-चन्दन केवड़िया हे।
रूपेॅ घेरल चारों ओर हे।
दई दुशमनमा शीतल माय, वगलेॅ दवाईयोॅ हे।
रैनी घड़ी होईहै सहाय हे।
कर जोरि विनती हे करौं, अवल भगतिया हे।
लागोॅ मैया बालका के गोहार हे।
किनका घरें भगवती कहलावै / अंगिका मनौन गीत / लोकगीत
किनका घर भगवती कहलावै मैया, किनका घ्ज्ञर परमेश्वर हे।
किनका घर शतयोगिनी कहलावै मैया, किनका घर विश्वकर्मा हे।
ब्रह्मण घर भगवती कहलावे मैया, मलिया घर परमेश्वर हे।
कुम्हरा घर शतयोगिनी कहलावे मैया, कमरा घर विश्वकर्मा हे।
कौनेॅ तोरोॅ पूजा करतौ, कौनेॅ फूलवा चढ़ैइतौ हे।
कौनेॅ तोरोॅ कलश बैठैइतौ मैया, कौनेॅ दियरा जलैतौ हे।
ब्रह्मन तोरोॅ पूजा करथौ, मलियां फूलवा चढ़ैतौं हे।
कुम्हरा तोरोॅ कलश बैठैइतौ मैया, कमरा दियरा जलैइतौ हे।
जरेॅ लागलै दियरा सभे मैया हे, झमक लागल बाती हे मैया।
हे माता खेलेॅ लागलै हे माता चारो पहर राती,
तोहरोॅ मनौनमा सभे मैयो हे, बावी केॅ सुनैलौ हे माता सुनो।
सुनोॅ हे माता हृदय लगैइयै हे माता सुनो।
नैया लेनें आवोॅ रे मलाहा / अंगिका मनौन गीत / लोकगीत
बहियां उड़ेली शीतल माय-मलाहा केॅ पारै हे हाँक।2
नैया लेलह आवोॅ रे मलाहा, यमुनमा होवै रे पार।
फूटी गेलै नैया शीतल माय, टूटलोॅ पतवार।
कौनी विधि उतरव हे माता-यमुनमा होवोॅ रे पार।
जोड़ी लेवै नैया रे मलाहा, जोड़ैवै पतवार
वही चढ़ी उतरव रे मलाहा, यमुनमा होवै रे पार।
बहियां उड़ेली मालत माय, मलाहा केॅ पारै हे हांक।2
नैया लेलह आवैं रे मलाहा- यमुनमा होवै रे पार।
फूटी गेलै नैया मालतो माय- टूटलै पतवार।
कौनी विधि उतरव हे माता- यमुनमा होवेॅ रे पार।2
बहियां उड़ेली धनसरो माय- मलाहा केॅ पारै हे हाँक।2
नैया लेलह आवोॅ रे मलाहा, यमुनमा होवै रे पार।
फूटी गेलै नैा धनसरो माय- टूटलै पतवार।
जोड़ी लेवै नैया रे मलाहा- जोड़ैवै पतवार।
वही चढ़ी उतरव रे मलाहा- यमुनमा होवै रे पार।
कौनी विधि उतरव हे माता- यमुनमा होवेॅ रे पार।2
फूटी गेलै नैया धनसरो माय-टूटलै पतवार।
जोड़ी लेवै नैया रे मलाहा- जोड़ैवै पतवार।
वही चढ़ी उतरव रे मलाहा, यमुनमा होवै रे पार।
बहियां उड़ेली फूलसरो माय- मलाहा केॅ पारै हे हांक।
नैया लेलह आवोॅ रे मलाहा- यमुनमा होवै रे पार।
फूटी गेलै नैया फूलसरो माय- टूटल पतवार।
कौनी विधि उतरव हे माता- यमुनमा होवोॅ रे पार।
जोड़ी लेवै नैया रे मलाहा- जोड़ैवै पतवार।
वही चढ़ी उतरव रे मलाहा, यमुनमा होवै रे पार।
बहियां उड़ेली कालिका माय- मलाहा केॅ पारै हे हांक।
कौनी विधि उतरव हे माता- यमुनमा होवोॅ रे पार।
जोड़ी लेवै नैया रे मलाहा- जोड़ैवै पतवार।
वही चढ़ी उतरव रे मलाहा- यमुनमा होवै रे पार।
बहियां उड़ेली सभाई माय- मलाहा केॅ पारै रे हांक।
नैया लेलह आवोॅ रे मलाहा- यमुनमा होवै रे पार।
फूटी गेलै नैया सभाई माय- टूटल पतवार
कौनी विधि उतरव हे माता- यमुनमा होवोॅ हे पार।
जोड़ी लेवै नैया रे मलाहा- जोड़ैवे पतवार।
वहीं चढ़ी उतरव रे मलाहा- यमुनमा होवै रे पार।
फुटलोॅ जे काँसा रे मलाहा- कसेरिया घर रे जाय।
रूसलोॅ सवासिन रे मलाहा- नैहरवा चली रे जाय।
कहाँ से अइलै मैया / अंगिका मनौन गीत / लोकगीत
कहाँ से आइली मैया हे शीतला बूढ़ी माय दया करोॅ न।
कहाँ से आइली मधुमालत मैया हे उद्धार करोॅ न।
तिरहुत से आइली मैया हे शीतल बूढ़ी माय दया करोॅ न।
मधुपुर से आइली मधुमालत मैया हे उद्धार करोॅ न।
कहाँ बैठाइवै मैया हे शीतल बूढ़ी माय दया करोॅ न।
कहाँ बैठैवै मधुमालत मैया हे उद्धार करोॅ न।
गभरां बैठाइवै मैया हे शीतल बूढ़ी माय दया करोॅ न।
आँचला बैठैवै मधुमालत मैया हे उद्धार करोॅ न।
किए - किए खाइती मैया हे शीतल बूढ़ी माय दया करोॅ न।
किए - किए खाइती मधुमालत मैया हे उद्धार करोॅ न।
आँटल खुआ खाइती मैया हे शीतल बूढ़ी माय दया करोॅ न।
खुआ - मलाई मधुमालत मैया हे उद्धार करोॅ न।
कहाँ से अइलै शीतल बूढ़ी माय / अंगिका मनौन गीत / लोकगीत
कहाँ से आइली मैया हे शीतल बूढ़ी माय दया करोॅ न
कहाँ से आइली मधुमालत मैया हे उद्धार करोॅ न।
तिरहुत से आइली मैया हे शीतल बूढ़ी माय दया करोॅ न।
मधुपुर से आइली मधुमालत मैया हे उद्धार करोॅ न।
कहाँ बैठाइवै मैया हे शीतल बूढ़ी माय दया करोॅ न।
कहाँ बैठैवै मधुमालत मैया हे उद्धार करोॅ न।
गभरां बैठाइवै मैया हे शीतल बूढ़ी माय दया करोॅ न।
आँचला बैठैवै मधुमालत मैया हे उद्धार करोॅ न।
किए- किए खाइती मैया हे शीतल बूढ़ी माय दया करोॅ न।
किए- किए खाइती मधुमालत मैया हे उद्धार करोॅ न।
आँटल खुआ खाइती मैया हे शीतल बूढ़ी माय दया करोॅ न।
खुआ- मलाई मधुमालत मैया हे उद्धार करोॅ न।
मैया हे होहिहो असवरिया / अंगिका मनौन गीत / लोकगीत
कौनी जे बेरियां शीतल मैया हे- होहिलेॅ पहुनमा-
हे माता कौनी बेरिया हे माता बैठलेॅ ओसरवा-
हे माता कौनी बेरिया हे माता होहिलेॅ असवरिया
हे माता कौनी।
ऐंगना बोढ़ैतेॅ भगता रे होहिलों पहुनमा-
रे भगता संझा बेरियां रे भगता बैठलों ओसरवा-
रे भगता आधी राती रे भगता होहिलों असवरिया
रे भगता आधी।
हौले-हौले-हौले शीतल मैया हे-
होहिहौ असवरिया हे माता बालका-
छैई हे माता बड़ा निरबुधिया
हे माता बालका।
कौनी जे बेरियां मालत मैया हे होहिलेॅ पहुनमा-
हे माता कौनी बेरियां हे माता बैठलेॅ ओसरवा-
हे माता कौनी बेरियां हे माता होहिलेॅ असवरिया
हे माता कौनी।
ऐंगना बोढ़ैतेॅ भगता रे होहिलों पहुनमा
रे भगता संझा बेरियां रे भगता बैठलों ओसरवा-
रे भगता आधी राती रे भगता होहिलों असवरिया
रे भगता आधी।
हौले- हौले- हौले मालत मैया हे-
होहिहौ असवरिया हे माता बालका-
छई हे माता बड़ा निरबुधिया-
हे माता बालका।
कौनी जे बेरियां धनसर मैया हे होहिलेॅ पहुनमा-
हे माता कौनी बेरियां हे माता बैठैलेॅ ओसरवा-
हे माता कौनी बेरियां हे माता होहिलेॅ असवरिया-
हे माता कौनी।
ऐंगना बोढ़ैतेॅ भगता रे होहिलों पहुनमा
रे भगता संझा बेरिया रे भगता बैठलों ओसरवा-
रे भगता आधी राती रे भगता होहिलों असवरिया
रे भगता आधी।
हौले- हौले- हौले धनसर मैया हे
होहिहौ असवरिया हे माता बालका-
छई हे माता बड़ा निरबुधिया-
हे माता बालका।
कौनी जे बेरियां फूलसर मैया हे होहिलेॅ पहुनमा-
हे माता कौनी बेरियां हे माता बैठैलेॅ ओसरवा-
हे माता कौनी बेरियां हे माता होहिलेॅ असवरिया-
हे माता कौनी।
ऐंगना बोढ़ैतेॅ भगता रे होहिलों पहुनमा
रे भगता संझा बेरियां रे भगता बैठलों ओसरवा-
रे भगता आधी राती रे भगता होहिलों असवरिया
रे भगता आधी।
हौले- हौले- हौले धनसर मैया हे
होहिहौ असवरिया हे माता बालका-
छई हे माता बड़ी निरबुधिया-
हे माता बालका।
कौनी जे बेरियां कालि मैया हे होहिलेॅ पहुनमा-
हे माता कौनी बेरियां हे माता बैठेलेॅ ओसरवा-
हे माता कौनी बेरियां हे माता होहिलेॅ असवरिया-
हे माता कौनी।
ऐंगना बोढ़ैतेॅ भगता रे होहिलों पहुनमा-
रे भगता संझा बेरियां रे भगता बैठलों ओसरवा-
रे भगता आधी राती रे भगता होहिलों असबरिया
रे भगता आधी।
हौले- हौले- हौले कालि मैया हे-
होहिहौ असबरिया हे माता बालका
छई हे माता बड़ी निरबुधिया-
हे माता बालका।
कौनी जे बेरियां सभ्भे मैया हे होहिलेॅ पहुनमा-
हे माता कौनी बेरियां हे माता बैठेलेॅ ओसरवा-
हे माता कौनी बेरियां हे माता होहिलेॅ असवरिया-
हे माता कौनी।
ऐंगना बोढै़तेॅ भगता रे होहिलों पहुनमा-
रे भगता संझा बेरियां रे भगता बैठलों ओसरवा-
रे भगता आधी राती रे भगता होहिलों असबरिया
रे भगता आधी
हौले- हौले- हौले सभ्भे मैया हे-
होहिहौ असबरिया हे माता बालका-
छई हे माता बड़ी निरबुधिया-
हे माता बालका।
उठो मैया! बाँटोॅ परसाद / अंगिका मनौन गीत / लोकगीत
शीतल माय के आंगना में- आइलोॅ छै भजनियां हो।
भजन करै लेॅ भाय।
उठो मैया बाँटोॅ परसाद-
भजनियां भैया- घर जाइतै हो।
मालत माय के आंगना में- आइलोॅ छै भजनियां हो।
भजन करै लेॅ भाय।
उठो मैया बाँटोॅ परसाद-
भजनियां भैया- घर जाइतै हो।
धनसर माय के आंगना में- आइलोॅ छै भजनियां हो।
भजन करै लेॅ भाय।
उठो मैया बाँटोॅ परसाद-
भजनियां भैया- घर जाइतै हो।
फूलसर माय के आंगना में- आइलोॅ छै भजनियां हो।
भजन करै लेॅ भाय।
उठो मैया बाँटोॅ परसाद-
भजनियां भैया- घर जाइतै हो।
कालि माय के आंगना में- आइलोॅ छै भजनियां हो।
भजन करै लेॅ भाय।
उठो मैया बाँटोॅ परसाद-
भजनियां भैया- घर जाइतै हो।
सभ्भे माय के आंगना में- आइलोॅ छै भजनियां हो।
भजन करै लेॅ भाय।
उठो मैया बाँटोॅ परसाद-
भजनियां भैया- घर जाइतै हो।
आइली दुःख हरणी भवानी / अंगिका मनौन गीत / लोकगीत
कहाँ में रोपवै आमुन जामुन- कहाँ में कुन्द नेवाड़।
कहाँ में रोपवै अड़हुल फूलवा- आइली दुःखहरणी भवानी-
कलशवा लेई हे ठाड़।
मैया हे कलशवा लेई हे ठाड़।2
आइली दुःखहरणी भवानी-
कलशवा लेई हे ठाड़।
गली-कूची रोपवै आमुन जामुन- सनमुख कुंज नेवाड़।
गभरा में रोपवै अड़हुल फूलवा।2
आइली दुःखहरणी भवानी-
कलशवा लेई हे ठाड़।
कथी सें पटैइवै आमुन जामुन- कथी सें हो कुंज नेवाड़।
कथी सें पटैइवै अड़हुल फूलवा।2
आइली दुःखहरणी भवानी-
कलशवा लेई हे ठाड़।
जल सें पटेइवै आमुन-जामुन- नीरोॅ सें हो कुंज नेवाड़।
दूधों सें पटैइवै अड़हुल फूलवा
आइली दुःखहरणी भवानी-
कलशवा लेई हे ठाड़।
कौनी दौरी तोड़वै आमुन जामुन।
कौनी दौरी कुंज नेवाड़।
कौनी दौरी तोड़वै अड़हुल फूलवा।2
आइली दुःखहरणी भवानी- कलशवा लेइ हे ठाड़।
सोना दौरी तोड़वै आमुन जामुन,
रूपा दौरी कुंज नेवाड़- बांसेॅ दौरी तोड़वै अड़हुल फूलवा।2
आइली दुःखहरणी भवानी- कलशवा लेइ हे ठाड़।
किनका गला शोभतै आमुन जामुन- किनका गला कुंज नेवाड़।
कालि गला शोभत अड़हुल फूलवा-
आइली दुःखहरणी भवानी- कलशवा लेई हे ठाड़।
मैया केॅ मनाय लियवै हे / अंगिका मनौन गीत / लोकगीत
कौन फूल रोपलॅे रे मलिवा रे, कौन फूल मालिनियां न रोपल हे।
मैया हे कौनी रे फूलवा रोपै, मालिन केरोॅ बेटी रे-
रूसली मैया केॅ मनाय न लियवै हे।
बेली फूल रोपलेॅ रे मालिवा रे-
चमेली फूल मलिनियां न रोपल हे।
मैया हे अड़हुल फूलवा रोपै- मालिन केरोॅ बेटी रे...
रूसली मैया केॅ मनाय न लियवै हे।
कथी सें पटावै मालिवा रे कि-
कथी सें मलिनियां पटावै पटावै हे।
मैया हे कथी सें पटावै- मालिन केरोॅ बेटी रे...
रूसली मैया केॅ मनाय न लियवै हे।
जलोॅ सें पटावै मालिवा कि
नीरोॅ सें मलिनियां पपटावै हे।
मैया हे दूध सें हे पटावै- मालिन केरोॅ बैटी रे...
रूसली मैया केॅ मनाय न लियवै हे।
कौन फूल फूललै रे संझौती रे-
कौनी फूल आधी रतिया न फूलै हे
मैया हे कौनी रे फूलवा फूलै भोर भीनसरेॅ रे-
बेली फूल फूललै रे संझौती रे चमेली फूल आधी रतिया न फूलै हे
मैया हे अड़हुल फूलवा फूलै भोर भीनसरेॅ हे
रूसली मैया केॅ मनाय ने लियवै हे
कौनी दौरी तोड़लेॅ रे मालिवा रे
कोनी दौरी मलिनियां न तोड़लॅे हे।
मैया हे कौनी रे दौरी तोड़ै- मालिन केरोॅ बेटी रे...
रूसली मैया केॅ मनाय न लियवै हे।
सोना दौरी तोड़लेॅ मालिवा कि
रूपा दौरी मलिनियां न तोड़ै हे।
मैया हे बांसोॅ रे दौरी तोड़े- मालिन करोॅ बेटी रे...
रूसली मैया केॅ मनाय न लियवै हे।
कौनी सूत गूंथलें रे मालिवा रे
कौनी सूत मलिनियां न गुंथै हे
मैया हे कौनी रे सूत गुंथै- मालिन केरोॅ बेटी रे...
रूसली मैया केॅ मनाय न लियवै हे।
सोना सूत गूंथ ले रे मालिवा रे कि
रूपा सूत मलिनियां न गूथल हे।
मैया हे रूआ रे सूतें गूथल- मालिन केरोॅ बेटी रे...
रूसली मैया केॅ मनाय न लियवै हे।
किनका गला डालले मालिवा रे कि
किनका गला मालिनिया न डालै हे
मैया हे किनका रे गला डालै- मालिन केरोॅ बेटी रे...
रूसली मैया केॅ मनाय न लियवै हे।
शीतल गला डालले रे मालिवा रे कि
मालत गला मालिनियां न डालले हे-
मैया हे कालि रे गला डालै- मालिन केरोॅ बेटी रे...
रूसली मैया केॅ मनाय न लियवै हे।
चरण हमेॅ पूजवै भगता कहलैवै / अंगिका मनौन गीत / लोकगीत
शीतल माय के चरण हमेॅ पूजवै- हे माता भगता कहलैवै।
माधत माय के चरण हमेॅ पूजवै- हे माता भगता कहलैवै।
धनसर माय के चरण हमेॅ पूजवै- हे माता भगता कहलैवै।
फूलसर माय के चरण हमेॅ पूजवै- हे माता भगता कहलैवै।
काली माय के चरण हमेॅ पूजवै- हे माता भगता कहलैवै।
सभ्भे माय के चरण हमेॅ पूजवै- हे माता भगता कहलैवै।
कोखी नै पुत्र हे ननदो / अंगिका मनौन गीत / लोकगीत
कथी के बोढ़नियां हे शीतल सासू- कथी केरोॅ बन्धनमा न हे।
कौनी शबदबाँ न/ सासू हे ऐंगना न बोढ़ाबै न हे
सोना के बोढ़नियां दुल्हैनियां- रूपा केरोॅ बन्धनमा न हे।
कोयलो शबदबाँ न।
भैया खौखी आंगना बॉहड़वै न हे।
कोयलो शबदबाँ न।
बोढ़िए सोढ़िए दुल्हैनिया- होरिया न लगावै न हे।
कि देहरियो न लागि न।
दुल्हन हे रोदना पसारै न हे।
कि देहरियो न लागि न।
घरोॅ से बाहरोॅ हे भइलै- धनसर फुलसर ननदिया न हे।
से पड़िये न गइलै ननदो- भोजोॅ मुख नजरिया न हे।
किए तोरेॅ घटलोॅ हे भोजोॅ हे- अनॅ धनॅॅ समपतिया न हे।
कि किए तोरोॅ अइलोॅ न भोजोॅ हे- नहिरा केरोॅ कुशलवा न हे।
नहीं मोरा घटलै हे ननदो हे- अनॅ धनॅ समपतिया न हे।
कि नहीं मोरा आइलै न- ननदो हे नहिरा केरोॅ कुशलवा न हे-
कि नहीं मोरा आइलै न।
कोखी नहीं पुत्र हे ननदो हे- दुनियां लागै अन्धरहो न हे।
कि एको नहीं पुत्र न।
मचिया बैठली छैई- मैया शीतल ठकुरनियां हे।
कि वहीं तोरा दियतौ ना, भौजौ हे कोखी तोरा पुत्र कि वहीं तोरा
हम्में कैसे दियबै गे बेटी, भौजो कोखी पुत्र न गे
सात सौ बरतिया गे बेटी के दैलकै बरू घुराइये न गे
कि धनसर फूलसर ना, बेटी गे रहलै बरू कुमारी न गे
सातो सौ बरतिया हे सासू हम्मूं बरूं मैगैवै न हे
से बिहैईयै न लियवै ना, सासू हे धनसर फूलसर ननदिया न हे
पत्थरें सेवैतेॅ हे सासू पत्थरो बरूं पसीजै ना हे
कि तोहरा सेवतेॅ न सासू हे- दया तनियो नहीं लागौ न हे।
गाँव के पछियें दुल्हैनियां गे- ठूठी गाछ पकड़िया न गे।
वही तोरा दियतौ न हे- दुल्हन हे कोखी तोरा पुत्र न हे।
वही तोरा दियतौ न।
ठूठी गाछ पकड़िया हे सासू हे- मनहू नहीं भावे न हे।
लगैये न दियवै न सासू हे- चन्दन धन गछिया न हे।
लगैये न दियवेॅ न हे।
मालत गल्लां शोभै चम्पा फूल / अंगिका मनौन गीत / लोकगीत
कहाँ में रोपवै वेली फूल चमेली फूल, कसेली फूल रीचि- रीचि।
कहाँ में रोपों चम्पा फूल अड़होल फूल रीचि- रीचि।
गली कूची रोपवै वेली फूल चमेली फूल, कसेली फूल रीचि- रीचि।
गभराँ रोपवैं चम्पा फूल अड़होल फूल रीचि- रीचि।
कथी सें पटाइवै वेली फूल चमेली फूल, कसेली फूल रीचि- रीचि।
कथी सें पटाइवै चम्पा फूल अड़होल फूल रीचि- रीचि।
जलोॅ से पटाइवै वेली फूल चमेली फूल, कसेली फूल रीचि- रीचि।
नीरोॅ सें पटाइवै चम्पा फूल अड़होल फूल रीचि- रीचि।
कौनी दौरी तोड़बै वेली फूल चमेली फूल, कसेली फूल रीचि- रीचि।
कौनी दौरी तोड़ौं चम्पा फूल अड़होल फूल रीचि- रीचि।
सोना दौरी तोड़वै वेली फूल चमेली फूल, कसेली फूल रीचि- रीचि।
रूपा दौरी तोड़ौ चम्पा फूल अड़होल फूल रीचि- रीचि।
कौनी सूती गूंथवै वेली फूल चमेली फूल, कसेली फूल रीचि- रीचि।
कौनी सूती गूंथौ चम्पा फूल अड़होल फूल रीचि- रीचि।
सोना सूती गूंथवै वेली फूल चमेली फूल, कसेली फूल रीचि- रीचि।
रूपा सूती गूथौं चम्पा फूल अड़होल फूल रीचि- रीचि।
किनका गलौं शोभतै वेली फूल चमेली फूल, कसेली फूल रीचि- रीचि।
किनका गलाँ शोभै चम्पा फूल अड़होल फूल रीचि- रीचि।
शीतल गलाँ शोभतै वेली फूल चमेली फूल, कसेली फूल रीचि- रीचि।
मालत गलाँ शोभै चम्पा फूल अड़होल फूल रीचि- रीचि।
घूमै छै शीतल मैया / अंगिका मनौन गीत / लोकगीत
गलियाँ-गलियाँ घूमै छै शीतल मैया- कोई नहीं जागै छै आधी रतिया हे।
एकेॅ जागै मड़वाड़िन की बेटिया- आँचला वेसावै सारी रतिया हे।
गलियाँ-गलियाँ घूमै छै मालत मैया- कोई नहीं जागै छै आधी रतिया हे।
एकेॅ जागै हलवैया की बेटिया- बतासा बेसावै सारी रतिया हे।
गलियाँ-गलियाँ घूमै छै धनसरो मैया- कोई नहीं जागै छै आधी रतिया हे।
एकेॅ जागै पसारिन की बेटिया- घूमना बैसावै सारी रतिया हे।
गलियाँ-गलियाँ घूमै छै फूलसरो मैया- कोई नहीं जागै छै आधी रतिया हे।
एकेॅ जागै सोनारिन की बेटिया- बालिया बेसावै आधी रतिया हे।
गलियाँ-गलियाँ घूमै छै कालिका मैया- कोई नहीं जागै छै आधी रतिया हे।
एकेॅ जागै मालिन की बेटिया- फूलवा बेसावै आधी रतिया हे।
गलियाँ-गलियाँ घूमै छै सभाई मैया- कोई नहीं जागै छै आधी रतिया हे।
एकेॅ जागै गुआरिन की बेटिया- दुधवा बेसावै सारी रतिया हे।
फूल गेंदवा न गे / अंगिका मनौन गीत / लोकगीत
सबहिं गभरवां मलिनियां गे- लाले- लाले फूल गेंदवा न गे।
शीतल माय गभरवां न मालिन गे- उलटी नहीं ताकले न गे
शीतल माय गभरवां न।
जनुमत जानिहँ मलिनियां गे- शीतल छै निरबुधिया न गे।
कि हरिए न लियतौ न मालिन गे- गोदी केरोॅ बालकवा न गे।
हरिए न लियतौ न।
सबहिं गभरवां मलिनियां गे- लाले-लाले फूल गेदवा न गे।
मालत माय गभरवां न- मालिन गे उलटी नहीं ताकले न गे।
मालत माय गभरवां न।
जनुमत जानिये मालिनियां गे- धनसर छैई निरबुधिया न गे।
हरिए न लियतौ न।
मालिन गे अगला जोड़ी बैलवा न गे।
हरिए न लियतौ न।
सबहिं गभरवां मलिनियां गे- लाले-लाले फूल गेंदवा न गे।
फूलसर माय गभरवां न- मालिन गे उलटी नहीं ताकले न गे।
फूलसर माय गभरवां न।
जनुमत जानियै मालिनियां गे- फूलसर छैई निरबुधिया गे।
हरिए न लियतौ न।
सबहिं गभरवां मलिनियां गे- लाले-लाले फूल गेंदवा न गे।
कालि माय गभरवां न- मालिन गे उलटी नांही ताकले न गे।
कालि माय गभरवां न।
जनुमत जानिये मलिनियां गे- कालि छैई निरबुधिया न गे।
हरिए न लियतौ न- मालिन गे अनॅ धनॅ समपतिया न गे।
हरिए न लियतौ न।
तोहरोॅ मनौनमा सभ्भे मैयो हे- गावी केॅ सुनौउलौं हे माता सुनो।
सुनो हे माता हृदय लगाइये। हे माता सुनो।
औरी- झौरी लै छोॅ / अंगिका मनौन गीत / लोकगीत
औरी- झौरी लै छोॅ शीतल मैया- झौरी कौनेॅ संभारतौं हे।
गोदी बालक मैया हेंठ में लौटावै छोॅ- दया तनियो नहीं लागै छौं हे।
औरी-झौरी लै छोॅ मालतोॅ मैया- झौरी कौनेॅ संभारतौं हे।
गोदी बालक मैया हेंठ में लौटावे छोॅ- दया तनियो नहीं लागै छोॅ हे।
औरी-झौरी लै छोॅ धनसरोॅ मैयोॅ- झौरी कौनेॅ संभारतौ हे।
गोदी बालक मैया हेंठ में लौटावै छोॅ- दया तनियो नहीं लागै छोॅ हे।
औरी झौरी लै छोॅ कालिका मैया- झौरी कौनेॅ संभारतौ हे।
गोदी बालक मैया हेंठ में लौटावै छोॅ- दया तनियो नहीं लागै छोॅ हे।
औरी- झौरी लै छोॅ सभाई मैयो- झौरी कौनेॅ संभारतौ हे।
गोदी बालक मैया हेंठ में लौटावै छोॅ- दया तनियो नहीं लागै छोॅ हे।
कौन फूल आधी रतिया न फूलै हे / अंगिका मनौन गीत / लोकगीत
कौन फूल फूललै रे संझौती रे- कौन फूल आधी रतिया न फूलै हे।
मैया हे कौन रे फुलवा फूलै भोर भीनसरेॅ रे-
रूसली मैया केॅ मनाय न लेवै हे।
बेली फूल फूललै रे संझौती रे- चमेली फूल आधी रतिया न फूलै हे।
मैया हे अड़होल फुलवा फूलै भोर भीनसरेॅ रे-
रूसली मैया केॅ मनाय न लेवै हे।
कौन फूल धरलौं रे सिरौना रे- कौन फूल विछौनमा न धरलोॅ हे।
मैया हे कौन रे फुलवा धरौं रंथ ऊपर रे-
रूसली मैया केॅ मनाय न लेवै हे।
बेली फूल धरलों रे सिरौना रे- चमेली फूल बिछौनमा न धरलोॅ हे।
मैया हे अड़होल फुलवा धरौं रंथ ऊपर रे-
रूसली मैया केॅ मनाय न लेवै हे।
पाँचों बहिन शीतल मैया / अंगिका मनौन गीत / लोकगीत
पाँच बहिन शीतल मैया, पाँचों हैं कुमारी- पाँचों रे बहिन अगम रे अपार।
अगम अपार रमता साजल गे बहिना- चलो गे बहिना कमरू के राज।
कमरू के राज बहिना नैना योगिनियाँ- राखोॅ गे बहिन नजरी चढ़ाय।
मार गुण पीठिया सँभार गुण गे बहिना- एहि विधि राखोॅ संसार।
पाँच बहिन मालत मैया, पाँचों हैं कुमारी- पाँचों रे बहिन अगम रे अपार।
अगम अपार रमता साजल गे बहिना- चलो गे बहिना कमरू के राज।
कमरू के राज बहिना नैना योगिनियाँ- राखोॅ गे बहिन नजरी चढ़ाय।
मार गुण पीठिया सँभार गुण गे बहिना- एहि विधि राखोॅ संसार।
पाँच बहिन धनसर मैया, पाँचों हैं कुमारी- पाँचों रे बहिन अगम रे अपार।
अगम अपार रमता साजल गे बहिना- चलो गे बहिना कमरू के राज।
कमरू के राज बहिना नैना योगिनियाँ- राखोॅ गे बहिन नजरी चढ़ाय।
मार गुण पीठिया सँभार गुण गे बहिना- एहि विधि राखोॅ संसार।
पाँच बहिन फूलसर मैया, पाँचों हैं कुमारी- पाँचों रे बहिन अगम रे अपार।
अगम अपार रमता साजल गे बहिना- चलो गे बहिना कमरू के राज।
कमरू के राज बहिना नैना योगिनियाँ- राखोॅ गे बहिन नजरी चढ़ाय।
मार गुण पीठिया सँभार गुण गे बहिना- एहि विधि राखोॅ संसार।
पाँच बहिन कालि मैया, पाँचों हैं कुमारी- पाँचों रे बहिन अगम रे अपार।
अगम अपार रमता साजल गे बहिना- चलो गे बहिना कमरू के राज।
कमरू के राज बहिना नैना योगिनियाँ- राखोॅ गे बहिन नजरी चढ़ाय।
मार गुण पीठिया सँभार गुण गे बहिना- एहि विधि राखोॅ संसार।
हिंडोलवा... / अंगिका मनौन गीत / लोकगीत
नीमियां के डार माता हे- लागली रे हिंडोरवा कि
लागली रे हिंडोरवा।
झूलनेॅ के आइली न- माता हे पाँच बहिन शीतल माय
झूलनेॅ को आइली न।
कौन मैया झूलत कौन मैया झूलावत।
कौनी मैया चौर डोलावै- झूलनेॅ के आइली न।
मैया हे पाँच बहिन शीतल माय- झूलनेॅ के आइली न।
शीतल मैया झूलत मधुमालत मैया झूलावत।
धनसर, फूलसर चौर डोलावत।
झूलनेॅ के आइली न।
झूलत-झूलत माता रे लागली पियासवा-
कि लागली रे पियासवा- तनी एको सेवका पानिया रे पिलावोॅ
तनि एको।
पाँच हाथोॅ के डोरिया पचीस हाथोॅ के कुँआ
पचीस हाथोॅ के कुँआ।
कैसे-कैसे मैया भरबै नीर-पानियां कैसे-कैसे।
पाँच हाथोॅ के कुआँ पचीस हाथोॅ के डोरिया-
पचीस हाथोॅ के डोरिया
झूमी-झूमी सेवका भरावै नीर पनियाँ- झूमी-झूमी।
पानियाँ पिलौनी मैया किए देवै दानमा-
किए देवै दानमा
तबेॅ हम्मे मैया पिलौवौ नीर पानियाँ-
तबेॅ हम्म...
पानियाँ पिलौनी सेवका कानेॅ दोनों सोनमा-
कानेॅ दोनों सोनमा...
आरू देवौ सेवका गल्ले निरमल हारवा-
आरू देवौ...
अगिया लगैवौ मैया कानेॅ दोनों सोनमा
से कानेॅ दोनों सोनमा...
बजड़ा तेॅ खसैबौ निरमल हारबा-
बजड़ा तेॅ...
हमहूँ जे लेवै मैया हाथहूँ के यशवा
से हाथहूँ यशवा...
तबेॅ हम्में मैा पिलैवौ नीर पानियां
तबेॅ हम्में...
देयो जे देलियौ सेवका हाथहूँ के यशवा...
मुल्केॅ -मुल्केॅ सेवका लेवे मोर नाममा-
मुल्केॅ-मुल्ल्केॅ।
चरण हम्में पूजवै / अंगिका मनौन गीत / लोकगीत
शीतल माय के चरण हमेॅ पूजवै
हे माता भगता कहलैवै।
माधत माय के चरण हम्में पूजवै-
हे माता भगता कहलैवै।
धनसर माय के चरण हमेॅ पूजवै-
हे माता भगता कहलैवै।
फूलसर माय के चरण हमेॅ पूजवै-
हे माता भगता कहलैवै।
कालि माय के चरण हमेॅ पूजवै-
हे माता भगता कहलैवै।
सभ्भे माय के चरण हमेॅ पूजवै-
हे माता भगता कहलैवै।
समदन / अंगिका मनौन गीत / लोकगीत
बांसवा कटैतेॅ मैया हे संझौती न बीतलौं हे
मैया हे संझौती न बीतलौं हे मैया हे डोलिया रे सजाइतेॅ
भोर भीनसरेॅ रे कमरूआराज मैया कखनी न जाइवेॅ हे।
नहैतेॅ सोनैतेॅ मैया हे संझौती न बितलौ हे
मैया हे संझौती न बीतलौं हे मैया हे जुटवा रे सुखइतेॅ
भोर-भीनसरेॅ रे कमरूआ राज मैया कखनी न जाइवे हे।
चुनरी पहनतेॅ मैया हे संझौती न बीतलौं हे।
मैया हे जुटवा रे बन्धइतेॅ भोर भीनसरेॅ रे कमरूआ राज
मैया कखनी न जाइवेॅ हे।
पैरवा रंगइतेॅ मैया हे संझौती न बीतलौं हे...2
मैया हे नखवा रे रंगइतेॅ भोर-भीनसरेॅ रे कमरूआ राज
मैया कखनी न जाइवे हे।
गहना पहनतेॅ मैया हे संझौती न बीतलौं हे
मैया हे संझौती न बीतलौं हे।
मैया हे रूपवा रे सजैइतेॅ भोर-भीनसरेॅ रे कमरूआ राज
मैया कखनी न जाइवे हे।
कानतेॅ-खीजतेॅ मैया हे संझौती न बीतलौं हे।
मैया हे संझौती न बीतलौं हे मैया हे मिलतेॅ रे जुलतेॅ
भोर-भीनसरेॅ रे कमरूआ राज मैया कखनी न जाइवे हे।
बांसोॅ के दौउरिया / अंगिका मनौन गीत / लोकगीत
तर्ज- खेमटा
काँखेॅ धरि लेली मलिनियां
बाँसेॅ के दौउरिया से बाँसेॅ के दौउरिया।
चली भइली मालिन राजा के फूलबगिया
चली भइली।
एकेॅ कोसेॅ गइली मलिनियां
गइली दुई कोसवा-2
तेसरी कोसेॅ मालिन राजा फूलबगिया
तेसरी कोसेॅ।
खोचा भरी तोड़ली मलिनियां दौउरियो भरी तोंड़ली
दोउरियो भरी तोड़ली।
आवी गेलै वहाँ राजा के सिपहिया-
आवी गेलै।
केकरा हुकुम मालिनियां आइली तौहू बगिया-2
केकरा के...
हुकुम तोड़ली फूलवा केकरा के।
बाबा के हुकुमेॅ सिपहिया आइली हम बगिया
से आइली हम बगिया-
मैया के-
हुकुमेॅ तोड़ी फूलवा-
मैया र्के-
खोचाा भरी छीनले सिपहिया
दौउरियो भरी छीनले।
पकड़िए लेले अब साड़ी के अचरवा-
पकड़िए लेले।
छोडू- छोडू छोड़ सिपहिया-
हमरो अचरवा से हमरो अचरवा।
रोतेॅ रोतेॅ मोरा गोदी के बालकवा।
रोतेॅ होतेॅ।
कच्ची तोर उमेरिया मलिनियां
अल्प तोर वयसवा से अल्प तोर वयसवा
कैसे- कैसे मालिन गोदी होलौं बालकवा
कैसे- कैसे।
बारहीं बरस सिपहिया
होलै मोर गौउनमा से
होलै मोर गउनमा।
पिया घरेॅ गोदी होलै मोर बालकवा-
पिया घरेॅ।
छोडू- छोडू- छोड़ सिपहिया
हमरोॅ अचरवा सें
हमरोॅ अचरवा
रोतेॅ होतेॅ मोरा गोदी के बालकवा
रोतेॅ होतेॅ।
देहूँ- देहूँ- देहूँ मलिनियां फूलवा के दाममा से
फूलवा के दाममा।
तबेॅ हम्मेॅ छोड़वौ- तोहरो अचरवा
तबेॅ हमेॅ।
कर जोरि विनती करै
मैया से अरजवा से
मैया से अरजवा- आवेॅ कैसे मैया बचतै मोर लजवा...
आवेॅ कैसे।
अवला विपत सुनी
पहुँची गेली मैया-
पहुँची गेली मैया-
मैा गिनेॅ लागी
खनखन हीरा मोती रूपैया
गिनेॅ लागी।
देखी केॅ बुढ़िया मैया केॅ
चकित भइलै सिपहिया से
चकित भइलै सिपहिया
माफ करोॅ आजु कसूर मोर मैया
माफ करोॅ।
सुनेॅ- सुनेॅ- सुनेॅ सिपहिया
हमरोॅ कहनमा से हमरोॅ कहनमा
कवहूँ ना
करवे भक्त के अवमनमा
कवहूँ ना...
फूलववा लिए मलिनियां
अइली जब घरवा से
अइली जब घरवा।
गूथेॅ लागी- मालिन रंग बिरंग हारवा
गंूथेॅ लागी।
मलवा गूंथिए मलिनियां
आनन्द विभोरवा से
आनन्द विभोरवा।
डाली देलन मालिन-
सभ्भे माय के गलवा।
डाली देलन।
छूटलै लहरिया न हे / अंगिका मनौन गीत / लोकगीत
शीतल मैया अइली- गरमी बूझाइली।
भगता करै छै अरजिया हे।
लहर पटोर मैया पहरी जब लेलकै
भगता के छूटलै लहरिया हे।
मालत मैया आइली गरमी बूझाइली।
भगता करै छै अरजिया हे।
लहर पटोर मैया पहरी जब लेलकै
भगता के छूटलै लहरिया हे।
धनसर मैया आइली गरमी बूझाइली।
भगता करै छै अरजिया हे।
लहर पटोर मैया पहरी जब लेलकै
भगता के छूटलै लहरिया हे।
कालि मैया आइली गरमी बूझाइली।
भगता करै छै अरजिया हे।
लहर पटोर मैया पहरी जब लेलकै
भगता के छूटलै लहरिया हे।
सभ्भे मैया आइली गरमी बूझाइली।
भगता करै छै अरजिया हे।
लहर पटोर मैया पहरी जब लेलकै
भगता के छूटलै लहरिया हे।
सुगना मड़राय / अंगिका मनौन गीत / लोकगीत
शीतल माय के अंगना में- आमहूँ के गछिया हे माता।
ताहि चढ़ी सुगना मड़राय- हाय रे लल सुगना रे भैया।
लाले-लाले आममा गिरावै- हाय रे लल सुगना रे भैया
शीत मैया चुनी-चुनी खाय। हाय रे लल सुगना रे भैया।
मालत मैया के अंगना में- आमहूँ के गछिया से माता।
ताहि चढ़ी सुगना मँड़राय- हाय रे लल सुगना रे भैया।
लाले-लाले आममा गिरावै- हाय रे लल सुगना रे भैया
मालत मैया चुनी-चुनी खाय। हाय रे लल सुगना रे भैया।
धनसर माय के अंगना में- आमहूँ के गछिया हे माता।
ताहि चढ़ी सुगना मड़राय- हाय रे लल सुगना रे भैया।
लाले-लाले आममा गिरावै- हाय रे लल सुगना रे भैया
धनसर मैया चुनी-चुनी खाय। हाय रे लल सुगना रे भैया।
फूलसर माय के अंगना में- आमहूँ के गछिया हे माता।
ताहि चढ़ी सुगना मड़राय- हाय रे लल सुगना रे भैया।
लाले-लाले आममा गिरावै- हाय रे लल सुगना रे भैया
फूलसर मैया चुनी-चुनी खाय। हाय रे लल सुगना रे भैया।
कालि माय के अंगना में- आमहूँ के गछिया हे माता।
ताहि चढ़ी सुगना मड़राय- हाय रे लल सुगना रे भैया।
लाले-लाले आममा गिरावै- हाय रे लल सुगना रे भैया
कालि मैया चुनी-चुनी खाय। हाय रे लल सुगना रे भैया।
सभ्भे माय के अंगना में- आमहूँ के गछिया हे माता।
ताहि चढ़ी सुगना मड़राय- हाय रे लल सुगना रे भैया।
लाले-लाले आममा गिरावै- हाय रे लल सुगना रे भैया
सभ्भे मैया चुनी-चुनी खाय। हाय रे लल सुगना रे भैया।
मैयां देलकै वरदानमा / अंगिका मनौन गीत / लोकगीत
शीतल मैया जाय छै गंगा असलनियां
संग में नैनी योगनियां हे।
गंगा जाई डूबकी लगाई सोंसवा पकड़ै चरनियां हे।
शीतल मैया देलकै वरदानमा गहरी नदिया फूसनमा हे।
मालत मैया जाय छै गंगा असलनियां
संग में नैनी योगनियां हे।
गंगा जाई डूबकी लगाई सोंसवा पकड़ै चरनियां हे।
मालत मैया देलकै वरदानमा गहरी नदिया फूसनमा हे।
धनसर मैया जाय छै गंगा असलनियां
संग में नैनी योगनियां हे।
गंगा जाई डूबकी लगाई सोंसवा पकड़ै चरनियां हे।
मालत मैया देलकै वरदानमा गहरी नदिया फूसनमा हे।
फूलसर मैया जाय छै गंगा असलनियां
संग में नैनी योगनियां हे।
गंगा जाई डूबकी लगाई सोंसवा पकड़ै चरनियां हे।
फूलसर मैया देलकै वरदानमा गहरी नदिया फूसनमा हे।
कालि मैया जाय छै गंगा असलनियां
संग में नैनी योगनियां हे।
गंगा जाई डूबकी लगाई सोंसवा पकड़ै चरनियां हे।
कालि मैया देलकै वरदानमा गहरी नदिया फूसनमा हे।
सभ्भे मैया जाय छै गंगा असलनियां
संग में नैनी योगनियां हे।
गंगा जाई डूबकी लगाई सोंसवा पकड़ै चरनियां हे।
सभ्भे मैया देलकै वरदानमा गहरी नदिया फूसनमा हे।
धूप देलिहौं धूमनमा देलिहौ / अंगिका मनौन गीत / लोकगीत
धूप देलिहौ धूमना देलिहौं लै छोॅ कैहिनेॅ नें मैइयो।
कथी लेॅ लटसार लै छोॅ लै छोॅ लै छोॅ कैहिनेॅ नी मैइयो।
अचरा देलिहौं डलिया देलिहौं लै छोॅ कैहिनेॅ नें मैइयो
कथी लेॅ लटसार लै छोॅ लै छोॅ कहिनें नें मइयोॅ।
दूध देलिहौं बतसवा देलिहौ लै छोॅ कैन्हनें मइयों।
कथी लेॅ लटसार लै छोॅ लै छोॅ कैन्हने ने मैइयो।
फूलवा देलिहौ मलवा देलिहौ लै छोॅ कैन्हेने मैइयो
कथी लेॅ लटसार लै छोॅ लै छोॅ कैन्हने ने मैइयो।
सुपती देलिहौं मौउनियां देलिहौ खैलै छोॅ कैहिने नें मैइयो।
कथी लेॅ लटसार लै छोॅ लै छोॅ कैन्हने ने मैइयो।
बाग रे बगीचवा हे / अंगिका मनौन गीत / लोकगीत
वही फूल बगिया गे अम्मा माय कोइलो जे बोलै हे।
कोइलो बोललै हरिनाम हे।
भक्ता लगैलकै रे सेवका- बाग रे बगीचवा रे।
सेवका लगैलकै फूल बाग हे।
बही गेलै पूरबा गे अम्मा माय- बही गेलै पछिया हे।
शीतल मैया नीनोॅ से निचित हे।
उठूँ- उठूँ- उठूँ गे अम्मा माय कत्तेॅ नानेॅ सुतली हे।
दुखिया नेॅ टेकलेॅ दुआर हे।
हम्में कैसे उठवो रे भगता- तोहरा के बोल सुनी
तोहरा के बडॅ छौ रे गुमान रे।
भूखें जे खैलकौ गे अम्मा माय- अछदेॅ के धान हे कुटी।
पिआसें पियलकौ गंगा नीर हे।
नंगटी पहरौ गे अम्मा माय लहरी पटोरबा हे।
चोंकें हेरैलकौ अरघेॅ दूधें हे।
भूललो चूकलो गे अम्मा माय- माफ करि देवेॅ हे।
लागौ मैया बालका गोहार हे।
पाचहिं पान भगता रे / अंगिका मनौन गीत / लोकगीत
पाँचहि पान भगता रे खिलिया लगौले।2
मन खुशी भेलै भगता रे मैया शीतल के
दियवे न दियवे माता हे आजु हे पानमा।
पाँचहि पान भगता रे खिलिया लगौले।
मन खुशी भेलै भगता रे मैया मालतो के
दियवे न दियवे माता हे आजु हे पानमा।
पाँचहि पान भगता रे खिलिया लगौले।
मन खुशी भेलै भगता रे मैया धनसरो के
दियवे न दियवे माता हे आजु हे पानमा।
पाँचहि पान भगता रे खिलिया लगौले।
मन खुशी भेलै भगता रे मैया फूलसरो के
दियवे न दियवे माता हे आजु हे पानमा।
पाँचहि पान भगता रे खिलिया लगौले।
मन खुशी भेलै भगता रे मैया सभाई के
दियवे न दियवे माता हे आजु हे पानमा।
सावन महीना मैया वर्षा के फूहरिया... / अंगिका मनौन गीत / लोकगीत
सावन महीना मैया वर्षा के फूहरिया-2
अरे झूमी रे झूमी नहावै छै शीतल मैया-2
सावन महीना मैया वर्षा के फूहरिया...
अरे झूमी रे झूमी नहावै छै मालत मैया-2
सावन महीना मैया वर्षा के फूहरिया-2
अरे झूमी रे झूमी नहावै छै धनसर मैया-2
सावन महीना मैया वर्षा के फूहरिया-2
अरे झूमी रे झूमी नहावै छै फूलसर मैया-2
सावन महीना मैया वर्षा के फूहरिया-2
अरे झूमी रे झूमी नहावै छै कालि मैया-2
सावन महीना मैया वर्षा के फूहरिया-2
अरे झूमी रे झूमी नहावै छै सभ्भे मैया-2
पनमा ऐसन पातर हे मैया / अंगिका मनौन गीत / लोकगीत
पानमा ऐसन पातर बुढ़िया हे मैया फूलवा ऐसन सुकुमार।
रूसली बुढ़िया मैया के मनैये लेवे हे।
पानमा ऐसन पातर मालतो हे मैया फूलवा ऐसन सुकुमार।
रूसली मालतो मैया केॅ मनैये लेवै हे।
पानमा ऐसन पातर धनसरो हे मैया फूलवा ऐसन सुकुमार।
रूसली धनसरो मैया केॅ मनैये लेवै हे।
पानमा ऐसन पातर धनसरो हे मैया फूलवा ऐसन सुकुमार।
रूसली फूलसरो मैया केॅ मनैये लेवै हे।
पानमा ऐसन पातर कालिका हे मैया फूलवा ऐसन सुकुमार।
रूसली कालिका मैया केॅ मनैये लेवै हे।
अड़हूल फूलवा हो राम... / अंगिका मनौन गीत / लोकगीत
सीताराम शीतल मैया अंगनमा अड़हुल फूल गछिया हो राम।
फूल फूल उरमल वो द्वार।
सीताराम उत्तरॅ जेॅ राजॅ से- आइलै हरिहर सुगना हो राम।
बैठी रे गेलै अड़हुल फूल वो डार।
कुछु फूल खैलेॅ रे सुगना- कुछु फूल गिरैलै हो राम।
कुछु रे फूल करले हो बरबाद।
घरें सें बाहरोॅ भइली- शीतला हेनी मैया हो राम
पड़ी रे गइलै सुगना मुख ढीठ।
सीताराम सुगना के देखी- माताराम बड़ खुश भइली हो राम।
फूलवा रे देखी- नयना ढरै वो लोर।
घरेॅ पिछवाड़ी बसै- भैरोलाल योगिया हो राम।
सुगना रे मोरा दियवै हो बझाय।
सीताराम सुगना बझौनी- माता किए देवे दानवा हो राम।
तब रे देवौ सुगना रे बझाय।
सुगना बझौनी भैरोलाल कानेॅ दोनों सोनमा हो राम।
आरू दे देवौ गल्ले निरमल हार।
अगिया लगैवौ माता राम कानेॅ दोनों सोनमा हो राम-
बजड़ा रे खसैवौ गल्ले निरमल हार।
हमहूँ जे लेभौ माता राम...
हाथहूँ के यशवा हो मुल्कें- मुल्कें लेभौ तोरोॅ नाम।
देलियौ जे देलियौ भैरोलाल- हाथहूँ के यशवा हो राम।
मुल्कें-मुल्कें मोरा नाम।
डारी-डारी भैरो लाल फन्दवा लगैलकै हो राम।
पातेॅ रे पातेॅ सुगना रे मँडराय।
डारी पाती भैरो लाला- फन्दवा लगैलकै हो राम।
सुगना रे उड़ी लागलै हो आकाश।
जब शिवजी अइलन... / अंगिका मनौन गीत / लोकगीत
मैया के मनमा हरसैलन हो
जब शिवजी एैलन।
शिवजी एैलन डमरू बजैलन...2
तान्डव नीरीत दिखैलन हो जब शिव जी...
अंगे विभूति गले रूद्रमाला-
पहरे बाघम्बर ओढ़ै मृगछाला।
जटा में गंगा बहैलन हो जब शिवजी...
हाथ कमण्डल कंधे भांग झोला-
बगल में त्रिशुल अरू बसाहा मस्तमौला।
डम- डम के डमरू बजैलन हो जब शिवजी...
शिवजी एैलन धतूरा जबैलन
डमरू बजैलन साँप नचैलन।
देहिया में भष्म रमैलन हो जब शिवजी...
मैया के मनमा हरसैलन हो
जब शिवजी एैलन।
शिवजी एैलन त्रिनेत्र पैलन-
त्रिनेत्र पेनल मैया के समझैलन।
पार्वती रूपें हृदय लगैलन हो जब शिवजी...
लक्ष्मी रूपें विष्णु सरस्वती रूपें ब्रहमा
बारी-बारी मनमा हरसैलन हो जब शिवजी...
मैया के मनमा हरसैलन हो
जब शिवजी एैलन।
कर जोरि विनती करौं... / अंगिका मनौन गीत / लोकगीत
तर्ज - सोहर
कर जोरी विनती करौ, मैया शीतल मैया हे,
मैया हे शीतल मैया हे
मैया हे दुखिया के दुःख करि दूर-
खुशहाल करोॅ हे।
कर जोरी विनती करौं, मैया मालतो मैया हे,
मैया हे मालतो मैया हे, मैया हे मालतो मैया हे,
मैया हे दुखिया के दुःख करि दूर- खुशहाल करोॅ हे।
कर जोरी विनती करौं, मैया धनसरो मैया हे-
मैया हे धनसरो मैया हे
मैया हे दुखिया के दुःख करि दूर खुशहाल करोॅ हे।
कर जोरी विनती करौं, मैया फूलसरो मैया हे-
मैया हे फूलसरो मैया हे, मैया हे फूलसरो मैया हे,
मैया हे दुखिया के दुःख करि दूर खुशहाल करोॅ हे।
कर जोरी विनती करौं, मैया कालिका मैया हे-
मैया हे कालिका मैया हे
मैया हे दुखिया के दुःख करि दूर- खुशहाल करोॅ हे।
कर जोरी विनती करौं, मैया सभ्भे मैया हे-
मैया हे सभ्भे मैया हे-
मैया हे दुखिया के दुःख करि दूर- खुशहाल करोॅ हे।
सोनहू के दियारा... / अंगिका मनौन गीत / लोकगीत
अगे माता कौनेॅ देलकौ सोनहू के दियारा
कौनेॅ देलकौ हे बाती।
अगे माता कौनेॅ देलकौ गैया के घियवा
जलावै सारी हे रात।
अगे माता सोनरा देलकौ
सोनहूँ के दियारा पटेवा देलकौ हे बात।
अगे माता गोरना देलकौ, गैया के घियवा
जलावै सारी हे रात।
जरेॅ लागलै दियारा, शीतल मैया हे-
झमक लागल बाती हे माता खेलेॅ
लागलै हे माता चारों पहर राती हे माता खेंले...
जरेॅ लागलै दियारा मालत मैया हे
झमक लागलै बाती हे माता खेलें
लागलै हे माता चारों पहर राती हे माता खेलें...
जरेॅ लागलै दियारा धनसर मैया हे
झमक लागलै बाती हे माता खेलें
लागलै हे माता चारों पहर राती हे माता खेलें...
जरेॅ लागलै दियारा फूलसर मैया हे
झमक लागलै बाती हे माता खेलें
लागलै हे माता चारों पहर राती हे माता खेलें...
जरेॅ लागलै दियारा कालि मैया हे
झमक लागलै बाती हे माता खेलें
लागलै हे माता चारों पहर राती हे माता खेलें...
जरेॅ लागलै दियारा सभ्भे मैया हे
झमक लागलै बाती हे माता खेलें
लागलै हे माता चारों पहर राती हे माता खेलें...
आहो रामा गंगा निर्मल नीर / अंगिका मनौन गीत / लोकगीत
तर्ज - समदन
आहो रामा गंगा निर्मल नीर से
आंगना निपाउलौं आंगना निपाउलौं-हीरा मोती चौका लगाय।
चौका चढ़ी बैठली शीतल दुलारी धिआ शीतल दुलारी हे
ढरॅ ढरॅ नैना ढरै लोर।
आहो रामा जनु कानोॅ जनु खीजोॅ शीतल दुलारी मैया
शीतल दुलारी हे
सभ्भे धिया जैती ससुराल
धिरजा बांधीये मैया धरूँ पग डगरिया हे
धरूँ पग डगरिया, करमो में लिखल वही तोरे।
चौका चढ़ी बैठली, मालत दुलारी धिया मालत दुलारी हे
ढरॅ ढरॅ नैना ढरै लोर, जनु कानोॅ जनु खीजोॅ मालत दुलारी मैया
सभ्भे धिया जाइती ससुरार,
आहो राम धीरिजा वानधिए मालत
धरूँ पग डगरिया करमा में लिखल यही तोर
आहो रामा गंगा निर्मल नीर से
आंगना निपाउलौं आंगना निपाउलौं हीरा मोती चौका लगाय।
चौका चढ़ि बैइठली फूलसर दुलारी बेटी फूलसर दुलारी हे।
ढर ढर नेना ढरै लोर।
आहो रामा जनु कानो जनु खीजोॅ
फूलसर धिया जाइती ससुरार।
आहो राम धीरिजा वानधिए फूलसर
धरूँ पग डगरिया करमा में लिखल यही तोर
आहो रामा गंगा निर्मल नीर से
आंगना निपाउलौं आंगना निपाउलौं हीरा मोती चौका लगाय।
शीतल मैया वन्दौं / अंगिका मनौन गीत / लोकगीत
शीतल मैया वन्दौं मधुमालत मैया वन्दौं।2
मैया हे देहोॅ न आशीष
भगता जीऐ सौ वरीस।
धनसर मैया वन्दौ, मैया फूलसर वन्दौं।2
देवे देवे न वरदान-मैया हे भगता पावै ज्ञान।2
ब्रहमा वन्दौं, विष्णु वन्दौं, वन्दौं शिवमूरतिया।2
हरवे न हरवे प्रभु भगता के कुमतिया।2
कालि वन्दौं, सरस्वती वन्दौं, वन्दौ लक्ष्मी पारवतिया।2
देवे न देवे मैया भगता के सुमतिया।
मैया हे बगीचवो लगैलकै हे... / अंगिका मनौन गीत / लोकगीत
बाग लगैलकै मैया हे, बगीचवोॅ लगैलकै न हे
मैया हे सभे रे कुछु लागै छै रे उदास रे
कोइलिया एक कोइलिया न बिना हे।
रीचि-रीचि भोजनमा मैया हे रमणिया बनैलकै हे
मैया हे रमणियाँ बनैलकै हे।
मैया हे सभे रे कुछु लागै छै रे उदास रे
लवणमा एक लवणमा न बिना हे।
सोलहो शृंगार सें मैया हे रूपवा सजैलकै हे
मैया है रूपवा सजैलकै हे।
मैया हे सभ्भे रे कुछु लागै छै रे उदास रे
सिन्दुरवा एक सिन्दुरवा न बिना हे।
कोठा उठैलकै मैया हे कोठरियो उठैलकै न हे...2
मैया हे सभ्भे रे कुछु लागै छै रे उदास रे
बालका एक बालका न बिना हे।
सभे अभरनमा मालत मैया हे... / अंगिका मनौन गीत / लोकगीत
सभे अवरनमा मालत मैया हे
वदन कछौले
हे माता चली भइली हे माता
गंगा असलनमा हे माता चली।
एक कोसे गइली मालत मैया हे
दुई कोसे गइली हे माता
तेसरी कोसें हे माता गंगा के किनारवा
हे माता तेसरी...
सभ्भे अवरनमा मालत मैया हे
खोली केॅ नहावै हे माता
सूरजे नामेॅ हे माता अरघेॅ चढ़ावै हे माता...
सभ्भे अवरनमा मालत मैया हे
पहरी न लेलकै हे माता
सूरज ज्योति हे माता
करले मलिनमा हे माता सुरूज
एक कोसे आइली मालत मैया हे
दुई कोसे अइली हे माता
तेसरी कोसें हे माता आपनोॅ गभरवा हे
हे माता तेसरी...
पनमा जे खाइले बूढ़ी मैयो हे... / अंगिका मनौन गीत / लोकगीत
पनमा जे खाइले बूढ़ी मैया हे सिटठिया नड़ौले हे माता।
लागी गेलै हे माता- रतन फूल बगिया
गांजवा जे पीले मालतो मैया हे
धुंइया जे उडौले हे माता
लागी गेलै हे माता रतन फूल बगिया।
हाथें धरि लेले मलिनियां गे बांस के दौउरिया गे मालिन
चली भइली मलिनियां गे दौउना फूल बगिया।
एकेॅ कोस गइली मलिनियां गे गइली दुई कोसवा गे मालिन
तेसरी कोसें मलिनियां गे दौउना फूल बगिया।
चहूँ दिस घुमै मलिनियां गे,
मिले ना दरवजवा हे माता-
मारले जे एड़िया मलिनियां गे, पैसले फुलबड़िया के
तोड़े लागले मलिनियां गे दौरी भर फुलवा
केकरा हुकुम मलिनियां गे पैसले फूलबगिया
गे मालिन केकरा हुकुम मलिनियां गे
तोड़ले पांचों फूलवा।
बेली फूल तोड़ले मलिनियां गे चमेली फूल तोड़ले गे मालिन
चम्पा तोड़तें मलिनियां गे गिरले मुरछाई।
हाथ धरि लेले बूढ़ी मैयो हे
सोवर रंग छेड़िया हे माता चली भइली- हे माता दौउना फूल बगिया।
एकेॅ कोसे गइली बूढ़ी मैयो हे- दुई कोसें गइली हे माता-
तेसरी कोसें हे माता रतन फूल बगिया।
एक छड़ी मारले बूढ़ी मैयो हे।
दूई छड़ी मारले हे माता- तेसरी छड़ी हे माता मलिनियां गूरमइलै।
बेली फूल तोड़ले मलिनियां गे चमेली फूल तोड़ले-
गे मालिन चम्पा तोड़ी मलिनियां गे घर घूरी अइले।
टिप्पणियाँ
एक टिप्पणी भेजें