अंगिका लोरी - पारंपरिक अंगिका लोकगीत बच्चों के लिए (Angika Lori Geet)

 नूनू के जुठ-कुठ के खाय? बाबू खाय / अंगिका लोकगीत/अंगिका लोरियाँ

नूनू के जुठ-कुठ के खाय ? बाबू खाय।

बाबू के जुठ-कुठ के खाय ? भैया खाय।

भैया के जुठ-कुठ के खाय ? भौजी खाय।

भौजी के जुठ-कुठ के खाय ? कुतवा खाय।

कुतवा के जुठ-कुठ के खाय ? कौआ खाय।

कौआ के जुठ-कुठ के खाय ? धरती खाय।

चान मामा, चान मामा! हँसुआ देॅ / अंगिका लोकगीत/अंगिका लोरियाँ

चान मामा, चान मामा ! हँसुआ देॅ।

सेहो हँसुआ कथी लेॅ ? घँसवा कटावै लेॅ।

सेहो घँसवा कथी लेॅ ? गैया केॅ खिलावै लेॅ।

सेहो गैया कथी लेॅ ? गोरबा परवावै (लदवावै) लेॅ।

सेहो गोबर कथी लेॅ ? एँगना लिपवावै लेॅ।

सेहो एँगना कथी लेॅ ? गेहुँमा सुखावै लेॅ।

सेहो गेहुँमा कथी लेॅ ? अँटवा पिसावै लेॅ।

सेहो अँटवा कथी लेॅ ? पुड़िया पकावै लेॅ।

सेहो पुड़िया कथी लेॅ ? भौजोॅ केॅ खिलावै लेॅ।

सेहो भौजो कथी लेॅ ? लाल बेटा जनमावै लेॅ।

लाल बेटा कथी लेॅ ? गुल्ली-डंडा खेलै लेॅ।

गुल्ली-डंडा टुटी गेल, भौजो के बेटवा रूसी गेल