सुआ गीत छत्तीसगढ़ी गीत लोकगीत Chhatisgarhi Sua Geet Lokgeet Lyrics

 सुआ गीत-1 / छत्तीसगढ़ी

सुआ गीत हमेशा एक ही बोल से शुरु होता है और वह बोल हैं -

तरी नरी नहा नरी नहा नरी ना ना रे सुअना

और गीत के बीच-बीच में ये दुहराई जाती हैं। गीत की गति तालियों के साथ आगे बढ़ती है।

तरी नरी नहा नरी नहा नरी ना ना रे सुअना

कइसे के बन गे वो ह निरमोही

रे सुअना

कोन बैरी राखे बिलमाय

चोंगी अस झोइला में जर- झर गेंव

रे सुअना

मन के लहर लहराय

देवारी के दिया म बरि-बरि जाहंव

रे सुअना

बाती संग जाहंव लपटाय

सुआ गीत-2 / छत्तीसगढ़ी

तरी नरी नहा नरी नहा नरी ना ना रे सुअना

तिरिया जनम झन देव

तिरिया जनम मोर गऊ के बरोबर

रे सुअना

तिरिया जनम झन देव

बिनती करंव मय चन्दा सुरुज के

रे सुअना

तिरिया जनम झन देव

चोंच तो दिखत हवय लाले ला कुदंरु

रे सुअना

आंखी मसूर कस दार...

सास मोला मारय ननद गारी देवय

रे सुअना

मोर पिया गिये परदेस

तरी नरी नना मोर नहा नारी ना ना

रे सुअना

तिरिया जनम झन देव...

सुआ गीत-3 / छत्तीसगढ़ी

तरी नरी नहा नरी नही नरी ना ना रे सुअना

तुलसी के बिरवा करै सुगबुग-सुगबुग

रे सुअना

नयना के दिया रे जलांव

नयनन के नीर झरै जस औरवांती

रे सुअना

अंचरा म लेहव लुकाय

कांसे पीतल के अदली रे बदली

रे सुअना

जोड़ी बदल नहि जाय

सुआ गीत-4 / छत्तीसगढ़ी

तरी नरी नहा नरी नही नरी ना ना रे सुअना

मोर नयना जोगी, लेतेंव पांव ल पखार

रे सुअना तुलसी में दियना बार

अग्धन महीना अगम भइये

रे सुअना बादर रोवय ओस डार

पूस सलाफा धुकत हवह

रे सुअना किट-किट करय मोर दांत

माध कोइलिया आमा रुख कुहके

रे सुअना मारत मदन के मार

फागुन फीका जोड़ी बिन लागय

रे सुअना काला देवय रंग डार

चइत जंवारा के जात जलायेंव

रे सुअना सुरता में धनी के हमार

बइसाख........ आती में मंडवा गड़ियायेव

रे सुअना छाती में पथरा-मढ़ाय

जेठ महीना में छुटय पछीना

रे सुअना जइसे बोहय नदी धार

लागिस असाढ़ बोलन लागिस मेचका

रे सुआना कोन मोला लेवरा उबार

सावन रिमझिम बरसय पानी

रे सुअना कोन सउत रखिस बिलमाय

भादों खमरछठ तीजा अऊ पोरा

रे सुआना कइसे के देईस बिसार

कुआंर कल्पना ल कोन मोर देखय

रे सुखना पानी पियय पीतर दुआर

कातिक महीना धरम के कहाइस

रे सुअना आइस सुरुत्ती के तिहार

अपन अपन बर सब झन पूछंय

रे सुअना कहां हवय धनी रे तुंहार

अन्य गीत लोकगीत छत्तीसगढ़ के

• भरथरी लोक-गाथा छत्तीसगढ़ी गीत लोकगीत Chhatisgarhi Bharthari Lokgatha Geet
  
  
• करमा गीत छत्तीसगढ़ी गीत लोकगीत Chhatisgarhi Karma Geet Lokgeet Lyrics
  
  
• ददरिया गीत छत्तीसगढ़ी लोकगीत लिरिक्स Dadariya Geet Lokgeet Chhatisgarhi Lyrics
  
  
• छत्तीसगढ़ी गीत लोकगीत मिश्रित Chhatisgarhi Geet Lokgeet Lyrics Misc.
  
  
• छत्तीसगढ़ी लोकगीत गीत मिश्रित Chhatisgarhi Geet Lokgeet Lyrics Misc.Part Two
  
  
• बिहाव के गीत छत्तीसगढ़ी लोकगीत लिरिक्स Bihaav Lokgeet Geet Lyrics Chhatisgarhi
  
  
• जन्म के गीत छत्तीसगढ़ी लोकगीत Chhatisgarhi Janm Geet Lokgeet