छत्तीसगढ़ी गीत लोकगीत मिश्रित Chhatisgarhi Geet Lokgeet Lyrics Misc.

 अरपा पैरी के धार महानदी हे अपार / छत्तीसगढ़ी

अरपा पैरी के धार महानदी हे अपार

इंदिरावती हर पखारय तोरे पईयां

महूं विनती करव तोर भुँइया

जय हो जय हो छत्तीसगढ़ मईया

(अरपा पैरी के धार महानदी हे अपार

इंदिरावती हर पखारय तोरे पईयां

महूं विनती करव तोर भुँइया

जय हो जय हो छत्तीसगढ़ मईया)

अरपा पैरी के धार महानदी हे अपार

इंदिरावती हर पखारय तोरे पईयां

(महूं विनती करव तोर भुँइया

जय हो जय हो छत्तीसगढ़ मईया)

सोहय बिंदिया सही, घाट डोंगरी पहार

(सोहय बिंदिया सही, घाट डोंगरी पहार)

चंदा सुरूज बने तोरे नैना

सोनहा धान अइसे अंग, लुगरा हरियर हे रंग

(सोनहा धाने के अंग, लुगरा हरियर हे रंग)

तोर बोली हवे जइसे मैना

अंचरा तोर डोलावय पुरवईया

(महूं विनती करव तोर भुँइया

जय हो जय हो छत्तीसगढ़ मईया)

सरगुजा हे सुग्घर, तोरे मउर मुकुट

(सरगुजा हे सुग्घर, जईसे मउर मुकुट)

रायगढ़ बिलासपुर बने तोरे बञहा

रयपुर कनिहा सही, घाते सुग्गर फबय

(रयपुर कनिहा सही, घाते सुग्गर फबय)

दुरूग बस्तर बने पैजनियाँ

नांदगांव नवा करधनियाँ

(महूं विनती करव तोर भुँइया

जय हो जय हो छत्तीसगढ़ मईया)

अरपा पैरी के धार महानदी हे अपार

इंदिरावती हर पखारय तोरे पइयां

महूं विनती करव तोरे भुँइया

जय हो जय हो छत्तीसगढ़ मईया

(अरपा पैरी के धार महानदी हे अपार

इंदिरावती हर पखारय तोरे पइयां

महूं विनती करव तोर भुँइया

जय हो जय हो छत्तीसगढ़ मईया

महूं विनती करव तोर भुँइया

जय हो जय हो छत्तीसगढ़ मईया

महूं विनती करव तोर भुँइया

जय हो जय हो छत्तीसगढ़ मईया)

अरझगे हे भउजी, तोर मया म भईया अरझगे हे / छत्तीसगढ़ी

ऐ भउजी..

(काये..)

एक बात काहव

(का बात ए)

रूप में फंस के मरिस पतिंगा, रस में अरझगे भौंरा हा

(अच्छा)

गंध म मछरी धुन मा हिरना, भईया बर सब्बो संघरा

(हट)

हाय अरझगे हे भउजी, तोर मया म भईया अरझगे हे

हाय अरझगे हे का या, तोर खोपा म गोंदा अरझगे हे

खेते म जाथंव, बता के जाथे ए... ए...

खेते म जाथंव, बता के जाथे

बीड़ी सिपचाहूँ कहिके लहुट आथे, हाय अरझगे हे

हाय अरझगे हे का या, तोर मया म भईया अरझगे हे

हाय अरझगे हे भउजी, तोर मया म भईया अरझगे हे

भउजी हे धीरन, भईया हे लुठुवा आहा आहा

भउजी हे धीरन, भईया हे लुठुवा

भउजी हाबे अधरतिहा भईया हे सुकुवा, हाय अरझगे हे

हाय अरझगे हे का या, तोर खोपा म गोंदा अरझगे हे

हाय अरझगे हे भउजी, तोर मया म भईया अरझगे हे

भईया के सुंता, भउजी के सुतीयां आहा हो हो

भईया के सुंता, भउजी के सुतीयां

भउजी हाबे मोर अठन्नी भईया हे रुपिया, हाय अरझगे हे

हाय अरझगे हे का या, तोर खोपा म गोंदा अरझगे हे

हाय अरझगे हे भउजी, तोर मया म भईया अरझगे हे

आज अध-रतिहा मोर फूल बगिया मा / छत्तीसगढ़ी

आज अध-रतिहा मोर फूल बगिया मा

आज अध-रतिहा हो

चन्दा के डोली मा तोला संग लेगिहव

बादर के सुग्घर चुनरिया मा रानी

आज अध-रतिहा हो

आज अध-रतिहा मोर फूल बगिया मा

आज अध-रतिहा हो

चन्दा के डोली मा बड़ ड-र लागे बड़ निक लागे

तोर गलबहियां में बड़ निक लागे

तोर गलबहियां में आज अध-रतिहा हो

आज अध-रतिहा मोर फूल बगिया मा

आज अध-रतिहा हो

बन नहीं रहिबो ते गाँव नहीं रहिबो

रहिबो मया के नगरीया मा रानी

रहिबो मया के नगरीया मा राजा

आज अध-रतिहा हो

आज अध-रतिहा मोर फूल बगिया मा

आजा-बे हीरा मोर जोहथों रद्‍दा तोर / छत्तीसगढ़ी

आजा-बे हीरा मोर

आजा-बे हीरा मोर

जोहथों रद्‍दा तोर

थाड़े घठोंधा मा रे

असाढ़ करथे घुरुर-घारर

सावन म बरसे झिमिर-झामर

तोर सुरता म रो रो-के

बोहागे आंखी के काजर

भींजगे लुगरा के छोर

सुहावे नहीं अंगना घर-दुवार

बिरखाहे सुर सिंगार

तोर बिना चारो कोती

लगथे कुलुप अंधियार

आके कर दे अंजोर

आँसू चल-थे झर-झरझर

हिरदे कांपे थर-थरथर

बिन धारन कस पटिया

हो-गेंव में निचट अधर

कब-ले भेजबे खबर सोंच

आजा-बे हीरा मोर

आजा-बे हीरा मोर

जोहथों रद्‍दा तोर

थाड़े घठोंधा मा रे

आट मनिया काकड़ा नौ मनिया डाढ़ा / छत्तीसगढ़ी

आट मनिया काकड़ा नौ मनिया डाढ़ा

तरँगी-तरँगी जा रे काकड़ा कलार-पारा।

बायले बिती सोए मनुस बिता जागे

अति सुँदर काकड़ा मँद बिकुक लागे।

आट मनिया काकड़ा नौ मनिया डाढ़ा

आट मनिया काकड़ा नौ मनिया डाढ़ा।

आट मनिया काकड़ा नौ मनिया डाढ़ा

तरँगी-तरँगी जा रे काकड़ा मुरिया-पारा।

बायले बिती सोए मनुस बिता जागे

अति सुँदर काकड़ा मसनी मारुक लागे।

आट मनिया काकड़ा नौ मनिया डाढ़ा

आट मनिया काकड़ा नौ मनिया डाढ़ा।

आट मनिया काकड़ा नौ मनिया डाढ़ा

तरँगी-तरँगी जा रे काकड़ा हलबा-पारा।

बायले बिती सोए मनुस बिता जागे

अति सुँदर काकड़ा चिवड़ा कुटुक लागे।

आट मनिया काकड़ा नौ मनिया डाढ़ा

आट मनिया काकड़ा नौ मनिया डाढ़ा।

आट मनिया काकड़ा नौ मनिया डाढ़ा

तरँगी-तरँगी जा रे काकड़ा गाँयता-पारा।

बायले बिती सोए मनुस बिता जागे

अति सुँदर काकड़ा माँडो मारुक लागे।

अति सुँदर काकड़ा मँद बिकुक लागे

अति सुँदर काकड़ा मसनी मारुक लागे

अति सुँदर काकड़ा लाई फोड़ुक लागे

अति सुँदर काकड़ा चिवड़ा कुटुक लागे

अति सुँदर काकड़ा माँडो मारुक लागे।

उड़ी उड़ी सुवा ना, का बोली बोले वो / छत्तीसगढ़ी

उड़ी उड़ी सुवा ना, का बोली बोले वो

उड़ी उड़ी सुवा ना, तोर बोली बोले

लाली चनारिया मोहनी मुरतिया

देखत मन ला मोहे वो

उड़ी उड़ी सुवा ना, का बोली बोले वो

उड़ी उड़ी सुवा ना, तोर बोली बोले

गाँवे शहर मा तोर होथे बड़ाई वो, जा के डोंगरगढ़ मा बसे बम्लाई

दूसर रूपे मा शारदा कहाये वो, जाके शहर तैं हा मईहर बसाये

माथे मा टोकिया, सोन के अंगूठीया, दसों अंगुरिया मा सोहे वो

उड़ी उड़ी सुवा ना, का बोली बोले वो

उड़ी उड़ी सुवा ना, तोर बोली बोले

चंद्रहासिनी चंदरपुर मा बिराजे वो, हे महामाया रतनपुर मा साजे

डिंडेश्वरी तैं मल्हार मा कहाये वो, जा के जिंहा दाई सोना बरसाये

नवदिन नवरात जोत, बरत हे दिया ना, मईया के झूलना झूले वो

उड़ी उड़ी सुवा ना, का बोली बोले वो

उड़ी उड़ी सुवा ना, तोर बोली बोले

लाली चनारिया मोहनी मुरतिया, देखत मन ला मोहे वो

उड़ी उड़ी सुवा ना, का बोली बोले वो

उड़ी उड़ी सुवा ना, तोर बोली बोले

एक दिन ले दुय दिन, दुय दिन ले आँट दिन / छत्तीसगढ़ी

एक दिन ले दुय दिन

दुय दिन ले आँट दिन

धनकुल मँडालो होय रानी चो

धनकुल मँडालो होय

धनकुल-सेवा करे रानी

धनकुल-पुजा करे

आँट दिन ले पँदरा दिन

पँदरा दिन ले मयना दिन

धनकुल मँडालो होय रानी चो

धनकुल मँडालो होय

धनकुल-सेवा करे रानी

धनकुल-सेवा करे

छय मइना होए रे भगवान

साल-डेड़ साल होये परभू

धनकुल मँडालो होय रानी चो

धनकुल मँडालो होय

धनकुल-सेवा करे रानी

धनकुल-पुजा करे

मने बिचार रानी करे

दिले धोका रानी करे

हे राम भगवान बले रानी

बाप रे दइया बले

नाना पयकार होले बले

मयँ बाना-बिसा होले

काईं नामना निंहाय बले

काईं किरती निंहाय बले

जिव रत ले खायँदे बले

मोचो करले नाव निंआय

एके किरती करले जाले

एक किरती करले जाले

जुग-जुग नाव रएदे बले

मोचो किरती बाड़ुन जायदे

बाजे बसुन जात राजा-रानी

सेज बसुन जात

सुना राजा राजरपती

सुना राजा देसरपती

बाते सुनुन जाहा राजा

गोठ मानुन जाहा

काईं नामना निंहाय राजा

मचो काईं किरती निंहाय

एके किरती करले जाले

एक किरती करले जाले

जुग-जुग नाओ रएदे राजा

किरती बाढ़ुन जायदे

काय किरती आय रानी

आले मोके साँग

सुना राजा राजरपती

सुना राजा देसरपती

तुलसी मँडाउन दिहा राजा

मके तुलसी मँडाउन दिया

तुलसी-सेवा करें राजा

मयँ तुलसी-पुजा करें

काईं बले नाओ रएदे राजा

जुग-जुग नाओ होयदे राजा

रानी हट मताय राजा के

रानी टेको मताय

दतुन नई चाबे रानी

अन नई खाए

भुके-भुके बले रानी आसे

भुके-भुके रानी आसे

बाँजा राजा दखे बाबा

बाँजा राजा दखे

रानी के काए बले राजा

सुना रानी बले

तिनपुर टेकहिन आइस रानी

बड़ा उपइन आस रानी

टेक मताउन जास रानी

हट मताउन जास

दतुन नई चाबिस रानी

अन नई खाइस

तिनपुर रोना तुय रोइस रानी

तिनपुर रदना धरिस रानी

तिनपुर हट मतास रानी

तिनपुर टेको मतास

भुक ने मरुन जासे रानी

तुय भुके मरुन जासे

दतुन चाबुन जा रे रानी

अन खाउन जा रे रानी

तुलसी मँडाउन दइँदे रानी

तुके तुलसी मँडाउन दयँदे

रानी सुनुन जाय बाबा

खँड मुचकी मारे

मुचमुच-मुचमुच रानी हाँसे

मुचमुच-मुचमुच रानी हाँसे

दतुन चाबुन जाय रानी

अन खाउन जाय

एक दिन ले दुय दिन

दुय दिन ले आँट दिन

दतुन चाबलो होय रानी चो

अन खादलो होय

बाजे बसुन जात राजा-रानी

सेज बसुन जात

सुना राजा बाँजा राजा

सुना राजा बाँजा राजा

पँजिआर-माहाले जाहा राजा

पँडित-माहाल जाहा

पँडित बलाउन आना राजा

मके तुलसी मँडाउन दयदे

सुने राजा बाँजा राजा

सुने राजा बाँजा राजा

बाबू के काए बले राजा

सुन बाबू बले

उपरभवने जा बाबू

तुय साहादेव पँडित के आन

आपलो जाको बले धरो बाबू

आपन साजू धरो बाबू

एक डँडिक एवो बाबू

मके तुलसी मँडाउन दयदे

रानी हट मताय बाबू

रानी टेक मताय

सुने बाबू झोलू पाइक

सुने बाबू झोलू पाइक

हरबर तियार होय बाबू

जलदी तियार होय

आपन साजू पिंदे बाबू

आपन जाको धरे

हाते बेद बले बाबू धरे

पाँए खड़ऊ बाबू पिंदे

राजा-माहाल छाँडे बाबू

जाते-जाते जाय

रुमझुम-रुमझुम रेंगे बाबू

एक कोलाट मारे

जाए बाबू झोलू पाइक

जाए बाबू झोलू पाइक

मोकोड़ी-माहाले जाय बाबू

मोकोड़ी-माहाल अमरे

माँडो मोंगरा उबे बाबू

बाई हंका मारे

बाई सुनुन जाये बाबा

घर ले बाहिर होय परभू

बाबू के काए बले बाई

सून बाबू बले

काय कामे इलिस बाबू

आले मोके साँग

सुन बाई पदमकड़ी

सुन बाई पदमकड़ी

सुत लमाउन दे बाई

मके ताग लमाउन दे

उपरभवने जायँ बाई

मयँ उपरभवने जायँ

सुन बाबू झोलू पाइक

सुन बाबू झोलू पाइक

कइसे सुत लमायँ बाबू

मयँ कइसे तागो लमायँ

बाल-बचा गागोत बाबू

लोलो-बालो गागोत

तुचो पिला के लाई दयँदे

तुचो पिला के खेलाते रएँदे

सुत लमाउन दे बाई

मके ताग लमाउन दे

बाई सुनुन जाय बाबा

सरसर सुतो लमाय

एके तेल चढ़गे कुँवरि पियराय / छत्तीसगढ़ी

एके तेल चढ़गे कुंवरि पियराय ।

दुवे तेल चढ़गे महतारी मुरझाय ।।

तीने तेल चढ़गे फूफू कुम्हलाय ।

चउथे तेल चढ़गे मामी अंचरा निचुराय ।।

पांचे तेल चढ़गे भईया बिलमाय ।

छये तेल चढ़गे भउजी मुसकाय ।।

साते तेल चढ़गे कुंवरि पियराय ।

हरदी ओ हरदी तैं साँस मा समाय ।।

तेले हरदी चढ़गे देवता ल सुमरेंव ।

मंगरोहन ल बांधेव महादेव ल सुमरेंव ।।

एके तेल चढ़ेंगे-2 / छत्तीसगढ़ी

एक तेल चढ़गे

एक तेल चढ़गे, हो हरियर हरियर

हो हरियर हरियर

मंड़वा मे दुलरू तोर बदन कुम्हलाय

रामे-वो-लखन के

रामे-वो-लखन के दाई तेल वो चढ़त हे

दाई तेल वो चढ़त हे

कहवा के दियना दीदी करथे अंजोर

आमा अमली के

आमा अमली के दाई सीतल छईहां

दाई सीतल छईहाँ

कर देबे फूफू तोर अँचरा के छाँव

दाई के अँचरा

दाई के अँचरा वो अगिन बरत हे

हो अगिन बरत हे

फूफू के अंचरा मोर इन्दरी जुड़ाय

काकी के अँचरा

काकी के अँचरा दाई अगिन बरत हे

दाई अगिन बरत हे

मामी के अंचरा मोर इन्दरी जुड़ाय

डोंगरी पहारे

डोंगरी पहारे दीदी घनरा चलत हे

दीदी घनरा चलत हे

पेरि देबे तेलिया मोर राई सरसो के तेल

रामे-वो-लखन के

रामे-वो-लखन के दाई तेल वो चढ़त हे

दाई तेल वो चढ़त हे

पेरि देबे तेलिया मोर राई सरसो के तेल

हमरे दुलरवा

हमरे दुलरवा नई बांधे मऊरे

नई बांधे मऊरे

नई सहे तेलिया मोर राई सरसो के तेल

एक पईसा के भाजी ला / छत्तीसगढ़ी

एक पईसा के भाजी ला, दू पईसा बेचे गोई

गोंदली ला रखे जी मां डार के

अवो मची अम्मा वो, अवो पेड़ हम्मा वो

बईठे मरारिन बजार में

पररा में केरा संतरा धरके, बईठे रइथस कोर कोर में

एक बेर लेवैया हा दु बेर आथे, हँसत रइथे तोर संग में

खटमेचिया टुरा हा मेछा ला एठियाके

खटमेचिया टुरा हा मेछा ला एठियाके, पईसा देथे आँखी मार के

गोई बजार में

एक पईसा के भाजी ला, दू पईसा बेचे गोई

गोंदली ला रखे जी मां डार के

अवो मची अम्मा वो, अवो पेड़ हम्मा वो

बईठे मरारिन बजार में

गोड मा हे मेंहदी, झमके मुंदरी, खोपा के मोगरा महके

बंगला के पान खाये, मुंहे रचाये, छंड़त है लुगरा तोर मुड़ के

हरियर भाटा ला आघु मा रख दे, कड़हा भाटा ला पानी छिच दे

गोई बजार में

एक पईसा के भाजी ला, दू पईसा बेचे गोई

गोंदली ला रखे जी मां डार के

अवो मची अम्मा वो, अवो पेड़ हम्मा वो

बईठे मरारिन बजार में

एसे एसे मँडई कोंडागाँव चो / छत्तीसगढ़ी

एसे एसे मँडई कोंडागाँव चो

तुके चूड़ी पिंधायँदे मोचो नाव चो

एसे एसे मँडई कोंडागाँव चो

तुके चूड़ी पिंधायँदे मोचो नाव चो।

एयँदे एयँदे मँडई कोंडागाँव चो

मके चूड़ी पिंधासे तुचो नाव चो

एयँदे एयँदे मँडई कोंडागाँव चो

मके चूड़ी पिंधासे तुचो नाव चो।

काजर लगाउन एयँदे टिकली सजाउन

काजर लगाउन एयँदे टिकली सजाउन

बिछिया लगाउन एयँदे पयँरी बजाउन

बिछिया लगाउन एयँदे पयँरी बजाउन

भरे बजार में चिन्हुन मके तुइ

भरे बजार में चिन्हुन मके तुइ

मके चूड़ी ऽ ऽ

मके चूड़ी पिंधासे तुचो नाव चो।

एसे एसे मँडई कोंडागाँव चो

तुके चूड़ी पिंधायँदे मोचो नाव चो।

मँडई बुलायँदे तुके खाजा खवायँदे

मँडई बुलायँदे तुके खाजा खवायँदे

झुलना झुलाउन तुके सरकस दखायँदे

झुलना झुलाउन तुके सरकस दखायँदे

हात के तुचो धरुन सँग ने मयँ

हात के तुचो धरुन सँग ने मयँ

तुके चूड़ी ऽ ऽ

तुके चूड़ी पिंधायँदे मोचो नाव चो।

एयँदे एयँदे मँडई कोंडागाँव चो

मके चूड़ी पिंधासे तुचो नाव चो।

पान खवायँदे तुके चटनी-चमन चो

पान खवायँदे तुके चटनी-चमन चो।

गोदना गोदायँदे हाते मयँ तो तुचो नाव चो

गोदना गोदायँदे हाते मयँ तो तुचो नाव चो।

मया चो बाँसुरी बजाउन मयँ

मया चो बाँसुरी बजाउन मयँ

तुके चूड़ी ऽ ऽ

तुके चूड़ी पिंधायँदे मोचो नाव चो।

एसे एसे मँडई कोंडागाँव चो

तुके चूड़ी पिंधायँदे मोचो नाव चो।

एयँदे एयँदे मँडई कोंडागाँव चो

मके चूड़ी पिंधासे तुचो नाव चो।

एसे एसे मँडई कोंडागाँव चो

तुके चूड़ी पिंधायँदे मोचो नाव चो।

एयँदे एयँदे मँडई कोंडागाँव चो

मके चूड़ी पिंधासे तुचो नाव चो।

ला ला ला ला ला ला ला ला ला

हूँ हूँ हूँ हूँ हूँ हूँ हूँ हूँ हूँ

एसो के सावन मे जम के बरस रे बादर करिया / छत्तीसगढ़ी

एसो के सावन मे जम के बरस रे बादर करिया,

यहू साल झन पर जाय हमर खेत ह परिया ॥

महर-महर ममहावत हाबे धनहा खेत के माटी ह,

सुवा ददरिया गावत हाबे, खेतहारिन के साँटी ह ॥

उबुक-चुबूक उछाल मारे गाँव के तरिया,

यहू साल झन पर जाय हमर खेत ह परिया ॥

फोरे के तरिया खेते पलोबो , सोन असन हम धान उगाबो ,

महतारी भुईया ले हमन , धान पाँच के महल बनाबो ।

अड़बड़ बियापे रिहिस , पौर के परिया , बादल करिया ।

यहू साल झन पर जाय हमर खेत ह परिया ॥

एती जाथोँ त ओती जाथस / छत्तीसगढ़ी

एती जाथोँ त ओती जाथस, ओती जाथॉ त दोती ओ

एती जाथो त ओती जाथस, ओती जाथॉ त दोती ओ

कोन नजर के जादु मँतर मार देहे मोला ओ , हाय

मोला झोल्टु-राम बना देहे ओ ।

मोला झोल्टु-राम बना देहे ओ

झोल्टु के झोली मा का का चीज, लौँग सुपारी धथूरा के बीज ।

झोल्टु के झोला ला लेगे चोर, झोल्टु कुदावथे धोती छोर ॥

एती देखव ते ओती देखव, ओती देखव ते दोती ओ

छ्त्तीसगढ के मोहनी जरी मोला पिया देहे रे, हाय

मोला सुखडू राम बना देहे ओ

मोला झोल्टु-राम बना देये हो

तोर मया म मै जोगी बनेव, सोला बछर के मै माला जपेँव ।

का कहाव मैं ह काला बताँव, तोला बलावव के ओला बलाँव ॥

तोर मया म मै जोगी बनेव, सोला बछर के मै माला जपेँव ।

का कहाव मैं ह काला सुनाव, तोला बालावव के ओला बलाँव ॥

एती लेजाव कि ओती लेजाव , ओती लेजाव के दोती ओ

सात भाँवर के सात नचनिया, मोला नचा देहे रे , हाय

मोरा फोकटू राम बना देहे ओ

मोरा फोकटू राम बना देहे ओ

तोर जवानी के नशा मोला, गाँजा पीयेँव मे तोला तोला ।

का कहाव मैं ह काला बताँव, तोला बलावव के ओला बलाँव

आरी लेजेव के बारी लेजव , बारी लेजव के दुवारी ओ ।

बत्तीस दिन के खाना पीना मोला छोड़ा देहे ओ , हाय

मोरा फोकटू राम बना देहे ओ

एती देखव त ओती देँखँव, ओती देखँव ते दोती ओ

एती लेजाव कि ओती लेजाव , ओती लेजाव के दोती ओ

कोन नजर के जादु मँतर मार देहे मोला ओ , हाय

मोला झोल्टु-राम बना देहे ओ ।

ऐ गा मोटरवाला / छत्तीसगढ़ी

ऐ गा मोटरवाला

काय बता ना बाई

ऐ गा मोटरवाला

काय बता ना बाई

के पैसा लेबे तें जाबो दुरूग अउ भिलाई

ऐ गा मोटरवाला

काय बता ना बाई

ऐ गा मोटरवाला

का~~य बता ना बाई (ही~ही~ई)

एक झन जाबे ते, पांच रुपया लगथे

दुनिया ले बाहिर, ऐ हा काबर हमला ठगथे

एको घांव गेहस, ते आज पहली जावथस

लगथे तें अभी अभी, मोटर ला चलावत हस

साड़े चार लेथव, फेर चिल्हर नइये पाई वो

ऐ गा मोटरवाला

काय बता ना बाई

ऐ गा मोटरवाला

का~~य बता ना बाई (ही~ही~ई)

के झन जाहु ते, गन के बता ना

चार झन जाबो, बता बैठे के ठिकाना

कोन कोन हावव, ते खड़े खड़े जाहु

टुरा टुरी दु लईका हे, काला मैं बताहूँ

ऐ हावय बाबु के ददा, मैं नोनी के दाई

ऐ गा मोटरवाला

नन्न्न्ना काय बता ना बाई

ऐ गा मोटरवाला

का~~य बता ना बाई (ही~ही~ई)

जल्दी चढ़ना तेंहा, भीतरी में खुसर ना

सोझ बाय गोठिया, हमला तैं झन हुदर ना

पैसा देके भीतरी में, दम हा हमर घुटही

तोला जाये हाबय ते चल, नहीते मोटर घलो छुटही

कहाँ के तोर दुरूग जाही, कहाँ के भिलाई वो

ऐ गा मोटरवाला

काय बता ना बाई

ऐ गा मोटरवाला

काय बता ना बाई

ऐ गा मोटरवाला

हूं हूं हूं

हूं हूं हूं

ऐ गाड़ीवाला रे / छत्तीसगढ़ी

ऐ गाड़ीवाला रे , ऐ गाड़ीवाला रे

पता देजा रे पता लेजा रे

पता देजा पता लेजा गाड़ीवाला रे

तोरे नांव के तोरे गाँव के पता देजा

जिया जागत रहिबे रे बईरी,

भेजबे कभू ले चिट्ठिया,

काया माया के नाच नचाये

मया के एक नजरिया

ऐ गाड़ीवाला रे , ऐ गाड़ीवाला रे

पता देजा रे पता लेजा रे

कउने नगर ले खातू मंगाए हो / छत्तीसगढ़ी

कउने नगर ले खातू मंगाए हो कउन नगर गर बीजे हो माय

ओ मय्या कउन नगर गर बीजे हो माय

कउने नगर ले खातू मंगाए हो कउन नगर गर बीजे हो माय

ओ मय्या कउन नगर गर बीजे हो माय

अहा गढ़ हिंग्लाजे ले खातू मंगाए हो गढ़ नरहूर गर बीजे हो माय

ओ मय्या गढ़ नरहूर गर बीजे हो माय

कउने ह लाए मय्या खातू अउ माटी हो कउन ह लाए बा के बीजे हो माय

ओ मय्या कउने लाए बा के बीजे हो माय

अहो पंड़वा ह लाए मय्या खातू अउ माटी हो उही-मन लाए बा के बीजे हो माय

ओ मय्या उही-मन लाए बा के बीजे हो माय

कउने बनाये मय्या तोरे फुलवरिया कउन ह बोये बा के बीजे हो माय

ओ मय्या कउन ह बोये बा के बीजे हो माय

अहो लंगुरा बनाये मय्या तोरे फुलवरिया पंड़वा-मन बोये बा के बीजे हो माय

ओ मय्या पंड़वा-मन बोये बा के बीजे हो माय

काहिन के मय्या कलसा बनाये हो काहे के दियना जलाए हो माय

ओ मय्या काहे के दियना जलाए हो माय

अहो दामी के मय्या कलसा बनाये हो सुरहिन घीव के दियना जलाए हो माय

ओ मय्या सुरहिन घीव के दियना जलाए हो माय

कउन चघे हे नवरात हो मय्या कउने करे हे रखवारे हो माय

ओ मय्या कउने करे हे रखवारे हो माय

अहो पंड़वा चघे हे नवरात हो मय्या मोर लंगुर करे हे रखवारे हो माय

ओ मय्या लंगुर करे हे रखवारे हो माय

अहो तोरे सरन मा हम आये-हन मय्या मोर बेड़ा लगा देबे पारे हो माय

ओ मय्या बेड़ा लगा देबे पारे हो माय

ओ मय्या बेड़ा लगा देबे पारे हो माय

ओ मय्या बेड़ा लगा देबे पारे हो माय

कजरेली मोरे मैना / छत्तीसगढ़ी

कइसे दिखत हे आज उदास रे, कजरेली मोरे मैना

कइसे दिखत हे आज उदास रे, कजरेली मोरे मैना

पतरेंगी मोरे मैना, सवरेंगी ना रे सुवा ना

कइसे दिखत हे आज उदास रे, कजरेली मोरे मैना

कइसे दिखत हे आज उदास रे, कजरेली मोरे मैना

पुन्नी के चन्दा ला लेगे बदरिया

कहाँ बुलाये मोर बाँके नजरिया

पुन्नी के चन्दा ला लेगे बदरिया

कहाँ बुलाये मोर बाँके नजरिया

का तो हाबय तीजाही उपास रे, कजरेली मोरे मैना

का तो हाबय तीजाही उपास रे, कजरेली मोरे मैना

चम्पा चमेली मोर चुरमुर चुरमुर

का दुःख मा बइठे हे झुरमुर झुरमुर

चम्पा चमेली मोर चुरमुर चुरमुर

का दुःख मा बइठे हे झुरमुर झुरमुर

मन ले कइसे पराये उलास रे, कजरेली मोरे मैना

मन ले कइसे पराये उलास रे, कजरेली मोरे मैना

कंचन काया ले माया रिसागे

चहकत चिरईया मोर कइसे थिरागे

कंचन काया ले माया रिसागे

चहकत चिरईया मोर कइसे थिरागे

जीव ले आस हे काबर हतास रे, कजरेली मोरे मैना

जीव ले आस हे काबर हतास रे, कजरेली मोरे मैना

पतरेंगी मोरे मैना, सवरेंगी ना रे सुवा ना

कइसे दिखत हे आज उदास रे, कजरेली मोरे मैना

कइसे दिखत हे आज उदास रे, कजरेली मोरे मैना

सवरेंगी मोरे मैना, पतरेंगी मोरे मैना

सवरेंगी ना रे सुवा ना

कहाँ रे हरदी, कहाँ रे हरदी / छत्तीसगढ़ी

कहाँ रे हरदी, कहाँ रे हरदी

भई तोर जनामन, भई तोर जनामन

कहाँ रे लिए अवतार

मरार बारी, मरार बारी

दीदी मोर जनामन, दीदी मोर जनामन

बनिया दुकाने दीदी लिएँव अवतार

कहाँ रे पर्रा, कहाँ रे पर्रा

भई तोर जनामन, भई तोर जनामन

कहाँ रे पर्रा तैं लिए अवतार

सिया पहार ऐ, सिया पहार ऐ

दीदी मोर जनामन, दीदी मोर जनामन

कँड़रा के घरे मैं लिएँव अवतार

करेला असन करू होगे का ओ तोर मया / छत्तीसगढ़ी

करेला असन करू होगे का ओ तोर मया

ये सनानना करेला असन करू होगे य मोर मया

करेला असन करू होगे का ओ, करेला असन करू होगे का य मोर मया

ये सनानना करेला असन करू होगे य मोर मया

हाय रे तिवरा के ड़ार , टुरी तेल के बघार

ये गजब लागे वो गजब लागे

ये गजब लागे सँगी , जेमा मिरचा मारे झार

गजब लागे,

ये सनानना करेला असन करू होगे य तोर मया

हाय रे धनिया के पान, मिरी बँगाला मितान

गजब लागे वो , गजब लाबे

ये गजब लागे वो ये गजब लागे

ये गजब लागे सँगी , जेमा मिरी के बरदान

गजब लागे,

ये सनानना करेला असन करू होगे य तोर मया

हाय रे जिल्लो के भाजी, खाय बर डौकी डौका राजी

ये गजब लागे वो गजब लागे

ये गजब लागे सँगी , जेमा सुकसी मारे बाजी

गजब लागे,

ये सनानना करेला असन करू होगे य तोर मया

सुरहिन गइया के गोबर मँगा ले ओ / छत्तीसगढ़ी

सुरहिन गइया के गोबर मंगाले ओ

हाय, हाय मोर दाई खूंट धर अंगना लिपा ले ओ

खूंट धर अंगना लिपा ले ओ

हाय, हाय मोर दाई मोतियन चौंक पुरा ले ओ

मोतियन चौंक पुरा ले ओ

हाय, हाय मोर दाई सोने के कलसा मंढ़ाले ओ

सोने के कलसा मंढ़ाले ओ

हाय, हाय मोर दाई सोने के बतिया लगा ले ओ

सोने के बतिया लगा ले ओ

हाय, हाय मोर दाई सुरहिन घीव जला ले ओ

सुरहिन घीव जला ले ओ

हरियर हरियर मोर मड़वा में दुलरू वो / छत्तीसगढ़ी

हरियर हरियर मोर मड़वा में दुलरू वो

काँचा तिली के तेल

कोने तोर लानिथय मोर हरदी सुपारी वो

कांचा तिली के तेल

ददा तोर लानिथय मोर हरदी सुपारी वो

दाई आनय तिली के तेल

कोन चढ़ाथय तोर तन भर हरदी वो

कोन देवय अंचरा के छाँव

फूफू चढ़ाथय तोर तन भर हरदी वो

दाई देवय अँचरा के छाँव

राम-लखन के मोर तेल चढ़त थे

बाजा के सुनव तुमन तान

हो गाड़ी वाला रे / छत्तीसगढ़ी

हो गाड़ी वाला रे ..

पता दे जा रे, पता ले जा रे गाड़ी वाला

पता दे जा, ले जा गाड़ी वाला रे

तोर गांव के तोर काम के

तोर नाम के पता दे जा

पता ले जा रे

पता दे जा रे गाड़ी वाला

का तोर गांव के नाव दिवाना डाक खाना के पता का

नाम का थाना कछेरी के तोरे

पारा मोहल्ला पता का

को तोरे राज उत्ती बुड़ती रेलवाही पहार सड़किया

पता दे जा रे पता ले जा रे गाड़ी वाला

मया नई चिन्हे देसी बिदेसी मया के मोल न तोल

जात बिजाति न जाने रे मया, मया मयारु के बोल

काया-माया सब नाच नचावे मया के एक नजरिया

पता दे जा रे

पता ले जा रे गाड़ीवाला..

जीयत जागत रहिबे रे बैरी

भेजबे कभुले चिठिया

बिन बोले भेद खोले रोवे, जाने अजाने पिरितिया

बिन बरसे उमड़े घुमड़े ,जीव मया के बैरी बदरिया

पता दे जा रे

पता ले जारे गाड़ी वाला ...

पता दे जा, ले जा गाड़ी वाला रे

तोर गांव के तोर काम के

तोर नाम के पता दे जा

हो गाड़ी वाला रे ..

हल्दी गीत / छत्तीसगढ़ी

एके तेल चढ़गे कुंवरि पियराय।

दुए तेल चढ़गे महतारी मुरझाय।।

तीने तेल चढ़गे फुफु कुम्हलाय।

चउथे तेल चढ़गे मामी अंचरा निचुराय।।

 

पांचे तेल चढ़गे भइया बिलमाय।

छये तेल चढ़गे भऊजी मुसकाय।।

साते तेल चढ़गे कुवरि पियराय।

हरदी ओ हरदी तै सांस मा समाय।।

तेले हरदी चढ़गे देवता ल सुमुरेव

'मंगरोहन' ल बांधेव महादेव ल सुमरेंव।।

मोला जान देना रे सनानना मोर / छत्तीसगढ़ी

मोला जान देना रे सनानना मोर

अतेक बेरा होगे मोला जान देना

मोला जान देना रे अलबेला मोर

दाई मोला गारी दिही जान देना

हा हा मोला जावन देना रे अलबेली मोर

अतेक बेरा होगे मोला जान देना

मोला जान देना रे अलबेला मोर

दाई मोला गारी दिही जान देना

हो~ नई जावंव मैं हा अपन मन-के या

अपन मन-के

नई जावंव में-हा अपन मन-के या

अपन मन-के

सुने ला परही मोला जन-जन के

सनानना मोर

अबड़ बेरा होगे मोला जान देना

मोला जान देना रे अलबेला मोर

दाई मोला गारी दिही जान देना

हो चंदा रे उवे सुरुज लाली का या

सुरुज लाली का

चंदा रे उवे सुरुज लाली का या

सुरुज लाली का

चिंता ला झन करबे आवत हंव काली रे

सनानना मोर

अतेक बेरा होगे मोला जान देना

मोला जान देना रे अलबेला मोर

दाई मोला गारी दिही जान देना

हो उत्‍ती के पानी रे बुड़ती के घांम

अरे बुड़ती के घांम

उत्‍ती के पानी रे बुड़ती के घांम

बुड़ती के घांम

जोगी गुफा मेंहा रई-थंव बैतल हे मोर नाम

सनानना मोर

अबड़ बेरा होगे मोला जान देना

मोला जान देना रे अलबेला मोर

दाई मोला गारी दिही जान देना

आहा मोला जावन देना रे अलबेली मोर

अतेक बेरा होगे मोला जान देना

मोला जान देना रे अलबेला मोर

दाई मोला गारी दिही जान देना

अन्य गीत लोकगीत छत्तीसगढ़ के 

• भरथरी लोक-गाथा छत्तीसगढ़ी गीत लोकगीत Chhatisgarhi Bharthari Lokgatha Geet
  
  
• करमा गीत छत्तीसगढ़ी गीत लोकगीत Chhatisgarhi Karma Geet Lokgeet Lyrics
  
  
• सुआ गीत छत्तीसगढ़ी गीत लोकगीत Chhatisgarhi Sua Geet Lokgeet Lyrics
  
  
• ददरिया गीत छत्तीसगढ़ी लोकगीत लिरिक्स Dadariya Geet Lokgeet Chhatisgarhi Lyrics
  
  
• छत्तीसगढ़ी लोकगीत गीत मिश्रित Chhatisgarhi Geet Lokgeet Lyrics Misc.Part Two
  
  
• बिहाव के गीत छत्तीसगढ़ी लोकगीत लिरिक्स Bihaav Lokgeet Geet Lyrics Chhatisgarhi
  
  
• जन्म के गीत छत्तीसगढ़ी लोकगीत Chhatisgarhi Janm Geet Lokgeet