हिमाचली गीत लोकगीत लिरिक्स संग्रह Himachal Ke Lokgeet Lyrics
छींबी ( धोबण ) हिमाचली गीत हिमाचली गीत
कीधर देसे दी आईणी धोबण
कीधर देसे ओ जाणा ना
दक्खिण देसे दा आईणी धोबण
पच्छिम देसे ओ जाणा ना।
कपड़ेयां धोंदी नीं धोबण
छमा छमा दियां रोंदी नां
खौल्ला खौल्ला पाणी ई नदिया
गहरा गहरा लिभदा ना
सुरती दिक््खी भूलें ना बो राजा
जाति दी मैं छींबी नां।
खबरा गईयां ओ राजा
चम्बे दियां राणिया नां
सुरती दिक््खी भुल्लें ना ओ राजा
जाति री मैं छिबी ना।
सद्दियो मंगा दा राजा
जिन्हां इन््हां कहारां नां
चुक्किया डोला बो कहारां
लित्ता इन्हां महलां ना।
सब्बा सौ मण चौलू बो राजा
धामा जो लाए नां
जहर खादा बो राणियां
मरी ता गईयो ना।
चनणे दा रूकख कटाया
चिक्खा च चणाया नां
चेत्रा म्हीने बो धोबणी
गीति गाई ए ना।
भक्ति गीत ( कृष्ण गीत )
तेरी बसी रा नजारा कृष्णा
तेरी बसी रा नजारा हो।
आगे आगे बोलो कृष्ण चालो
पाछे गोपिया रा लारा हो...
एकी गुठी पांदे परवत चकेया
चकेया भरमांड सारा हो।
तेरी बसी रा नजारा कृष्णा
तेरी बंसी रा नजारा हो।
2
गंगा बी जागे जमना बी जागे, करत अस्नान बेला होइया
कृष्णजी ठुसे जागदे क्यूं नई!
राधा खड़िए...
ब्रहमा बी जागे बिष्णु बी जागे, वेद पढ़न बेला होइया
कृष्णजी ठुसे जागदे क्यूं नई!
राधा खड़िए...
शिबजी बी जागे पारबती बी जागे? तप करन बेला होइयां
कृष्णजी ठुसे जागदे क्यूं नई!
राधा खड़ीए...
बुंदावन दीयां गोपियां जागे, शुरू रसाण बेलां होइयां
कृष्णजी ढुसे जागदे क्यूँ नई!
राधा खड़िए...
गऊआं बछड़े दोनों जागे, दूध दुहन बेला होइयां
कृष्णजी ठुसे जागदे क्यूं नई!
राधा खड़िए...।
जालपा माता
मूल जल अंदर है ओ देवी जालपा बदेया।
ओ जलो ते पन्नी बो माता कांगड़े आइयां
किले कांगड़े बो तेरा पौण पणाहियां
कांगड़े ते चली बो माता किधर आइया।
इनने कमराडुवे ध्याई बो माता इन्हे...
देखे मनसाऊणीया रे चाले लुगा गईयां सातुए प्याले
मूल जल अंदर है ओ देवी जालपा बंदेया।
पुत्र जन्म पर बिहाई ( बधाई ) गीत
तन मथुराजी में जरम्या गोकल बजिया बधाईयां
जी मेरा गिरिधर सोले पालणे...
कढ़ाया नंद जो पालणा
अपगणे कन्हैये जुग जीवे जी
कढ़ाया जसोधा पालणा
अपणे कन्हैये जुग जीवे जी
कढ़ाया सुभद्रा पालणा
अपणे कन्हैये जुग जीवे जी।
4
मथुरा इक बालक जणम्या गोकल बजियां बधाईयां
नी गोरी बणी दा जाया।
मत दोंदियों सैयो गाली, मत देंदियो सैयो गाली
नी गोरी बणी दा जाया।
काये दी मैं गुड़सट देऊ, काये दी कटोरी
पैंणों काये दी कटोरी
नी गोरी बणी दा जाया।
मत दैंदियो सईयो गाली
फूल पतासे गुड़सट देऊ
सूइने दी कटोरी, नी गोरी बणी...
काये दा मैं चणल सिआऊं॑
काये जड़त जड़ाऊं, नी गोरी बणी
रेशम दा मैं चणल सिआऊं
सूच्चा जड़त जड़ाऊ, नी गोरी बणी
काय दा मैं पलण कढ़ाऊं
काये डोरा लाऊं, नी गोरी बणी
अग्गर चंदन का मैं पलण कढ़ाऊं
रेशम डोरा लाऊं, नी गोरी बणी।
3
कौन घड़ी रामा जन्म लीना
कौन घड़ी राजा रामजी भये
चल मेरी सजनी जुध्या नगरी
राजा दशरथ घर रामजी भये
हरे हरे गोवे रामा अंगन लपाऊं
गज मोतियान चौका पराऊं रामा
चल मेरी सजनी अब धन घर को
दसरथ घरे रामजी भये
राम जी दी माता अंदर सों नगसी
हीरे रतन लुटाए रहे।
4
मधुवन मधुवन कर रहे महाराजेआजी
मधुवन हुये बेईमान, सदा बलिहारिएजी
देवकी पाणिए नो जांदी महाराजेआजी
जसोदा खड़ी एक पाणिहार सदा बलिहारी
जसोधा पूछदी देविकिए पैणे मेरिएजी
दुबली किने गुणे होई
जरमेथे सेयो कसे पछाड़े पैणे मोरिए
जी दुबली इने गुणे होईजी।
5
हार ले लो हमेला लै लो पतीजुबे बधाइयां
हार मेरे घरे बथेरे मां डोरिया लै के जाणा पाबो
बागे लै लो बेऊर लै लो पतीजुवे बधाइयां
बागे मरे घरे बथेरे, मुझे डोरिया लै जाणा पाबो
योकणे लै लो टोकणियां ले लो पतीजुवे बधाइयां
टोकणे मेरे घरे बथेरे मां डोरियां लै जाणा पाबो
गौवां ले लो मैया ले लो पतीजुवे बधाइयां।
ऋतु गीत हिमाचली गीत हिमाचली गीत
नां लईए सीरी ठाकरां जिन्हां ए उम्र बणाई
दूजा नां लए देवी माता नगरकोटे दी राणी
तीजा नां लईए माई बाप दा जिन्हां एह रचेया संसार
ए जी आया चेत सतर सीयां गुणदयां
सुणदेयां धर्म जे होवे...।
ए जी बज्जण संख रामा मुरलियां
गौरजां तेरा ब्याह भी होवे
वेद गड़ावयो पिपले पत्ते लाओ सेहरे
मेरी गौरजां जो लगाओ मगरू दे कपड़े
गौरजां दे गल चुन्नी लगाओ
गौरजां जो पुच्छण लग्गी सहेलियां
वे वर कजेहा पाया...।
2
सुण ससु जी! सावण आया जी! बूंदा बरस रहियां
सुण ससु जी! इक पुतर होसारा, ओ बी कत गोरी दा
ओ बी परदेस गया।
सुण गोरिए जी! चन्द्रावली गूजरी जी!
ओहदे नैण रसीले जी
जिन्हा ढोला मोही लेया।
3
घणी घणी दरेकां फूलियां, ठण्डी जिन्हां री छाव
रे बीर भाई चलो, मिंजों जाणा अम्मां रे देस।
अग्गे जे भैणे, अग्गे भैणे मिरग जे गुजदे
जिंदी बी लैणी तू खाई, रे बैहणे रैह सासु रे घरे।
मिरगा जो ता बीर, बकरे जे देंहगी
मिंजो जाणा अम्मा रे देस, रे बीर भाई चलो।
अम्मां जो गुजरे छह म्हीने हुए, तिथि तू मिलणा किसने
रैह बैहणे घर अपणे।
अम्मा जो न मिलगी रे बी कन््धा ता मिली औहगी
मिंजों बी जाणा अम्मां रे देस, रे बीर भाई चलो।
जेठ महीना हिमाचली गीत
जेठ महीने धुप्पां जे लग्गियां
पखुए लई ने खड़ोई रहिया।
आऔदे कते पल छिन भाला
पखुए लई ने खड़ोई रहिया।
कौण वे कृष्णा मुरलिया बोले
मैं सुणी ने बतौरी होई रहिया।
चैत्र गीत (ढोलरू ) हिमाचली गीत
पहला ता नां लैणा नारायण दा
जिन्हीं दुनिया बसाई ए
दुआ ता नां लैणा माई बाप दा
जिन्हा दस्या संसार ए
तिजा ता नां लैइए गुरू आपणा
झड़दे काया दे पाप ना
सब्बे ता रिवु रामा फिरि फिरि रहियां
मानस फिरि ना औए ना
आया ता चैत बसाख
जे कोई सु्णँ भाग मान नां
इंदड़ा गिया घर अप्पणे
आई सो वी बहार ना
बुलसी डाली ता गोरिए ना लेइए
हुलसी जाति दी बमनेटी
मरूआ डाली ता गोरिए ना लेइए
मरूआ जाति दा कदरेटा ए
कौल्लेह दे फुल्ले ता गोरिए न लेइए
कौल्ला फुल्ल ठौकरें प्यारा
सीता चल्ली ए पाणिए
हत्थें लिया सीस घड़ोलू
पुच्छणा लेई राजे रामचंदे
सीता रहियो बढ़दी बहार।
बारामासा-] हिमाचली गीत
चैत न तू जाईं ढोला
बांदी ए बहार
बसाख स: दुष्पटे मैं सींदी वे हां।
जेठ न तू जाईं ढोला धुप्पां जोर जोर
हाड़े च हांखीं दुक्खण तेरियां
सौण न तू जायां ढोला बद्दलु घनघोर
भादूएं रातीं नहेरिया।
सूज न तू जाईं ढोला पितर सराध
कात्ती बिच बलन दयालियां वे हां।
मग्घर न तू जाई ढोला ल्हेफ भरां
पौहे बिच सेजां बच्छाणियां वे हां।
माघ न जाईं ढोला लोहड़िया तिहार
फौगणे च नारां खेलण होलियां।
> 2
बसाख बसंबर वासुदेव, फुल वामन हरमन हारे।
परदूमनाभ परमेसर सिमरूं, परसराम बलकारे जी॥
हरि नाम हृदयधारी लीजो जब लागे प्रभु के सरनम
हरिभक्त अरे हरि भजन बिना
बुद बिन भवसागर किस विध तरनम॥
जेठ जपो जगदीश सदा प्रभु
यम के त्रास निवरणमा।
नाम लेत सब पाप कठत हैं
हुण क्या गाफल करणम।
भक्त बच्छल भगवान भजो
सब संकट दोष निवरणम।
हरि भ्रक्त अरे भजन बिना॥
हाड़ हरि का नाम जपो
पुन हृदय हरि जी धारो
अलख निरंजन निराकार नरसिंह
ध्यान बिच धारो जी
भक्त प्रल्हाद की मुक्ति करे
जब लगे -प्रथु के चरणम।
हारि भक्त अरे हरि भजन बिना॥
सौण श्याम सलोनों सिमरो
सुभ जुग के सुखदाई।
मोर मुकुट पट चीर बराजे
बलिभद्र के भाई जी।
मुरली के घनघोर सुनी
मृग, पछी छिपी रहे हारि चरणम।
हरि भक्त अरे हरि भजन बिना॥
अन्य लोकगीत संग्रह
बारामासा-2 हिमाचली गीत
उच्चे तां महलां नूंह खड़ी रही ए, सौहरे दिया नजरी पई गई
क्या नीं नूंहे तेरा मैला मैला भेस, किन गुणा भांवर्री तू हो रही।
युत्तर ता तेरा सौहरेया चलेया परदेस, इन्हां गुणा भावरी मैं हो रही तिज्जो तां जाणा नूहें चतर सुजान, जादे मसाफरे जो मोड़ी ले।
चैत्र न जायो पिया फुल्ल फुले, बसाख महीने दाखां पक्कियां जेठ न जायो पिया धुप्पां दे जोर, हाड महीनें अम्बियां पक्कियां।
सौण न जायो पिया नदियां चढ़ियां, भादू महीने रातीं न्हेरियां अस्सू न जायो पिया ल्हेफ भरा, कतके दियाली बालुणी। मघर न जायो पिया पाले पौंदे, पोह महीनें लोहड़ी बालणी माघ न जायो प्रिया सीतां दे जोर, फगण महीनें होली खेलणी।
शाबाश! नी नूहें तू चतर सुजान, जांदा मसाफर तेँ मोड़ी लेया जायां ता जायां पिया तख्त लाहौर, जादे दी लग्गी जायो नौकरी।
पहलें मनाया अपणे बापूए, जांदा ही पैसे भेजयां फिरी मनाया अपणेयां भैण भाऊआं, उन्हां दी तरक्की करेया।
फिरी मनायां पिया अम्मा तू अपणियां, तीरथ बरत करायां फिरी मनाया पिया नारा तू अपणियां, उसा दा मान पान रखेयां अंसां तां पिया सारे छोटे मोटे हन, माता पिता दी सेवा सोचेया।
छह मासा हिमाचली गीत
चैत्र दे म्हीने श्यामा
मैं तां चैत्र फुल्ल चुगनियां।
हत्थ छाबड़ी गलें फुल्ल माला
मैं हरी जी दा नां ध्यानियां।
बसाख दे म्हीने श्यामा
मैं बसाखड़ी पुहाणा जानियां
हत्थ गडुआ मुहडे पर धोती
मैं हरी जी दा नां ध्यानियां।
जेठ म्हीने श्यामा
मैं तां जेठे ते झूंड नी पानियां
मेरा हस्सणू खेलणू बड़ा हंसोला
मैं झूंड नी पानियां।
हाड़ दे म्हीने श्यामा
दोयो खिड़ी रईयां चंबे डालियां
इक उआर खड़ी ए दूई पार खड़ी ए
दोयो राम का नां ध्यानियां।
सौण दे म्हीने श्यामा
मैं तां भूरी म्हैस मंगानियां
मेरी भूरी मैंह बड़ी है दोहदण
किसिए जो चूरी नी पानियां।
भादूं म्हीने श्यामा
मैं ता मिठड़ा दही जमानियां
मेरे श्याम चले परदेसां जो
मैं ता जादेया सौगण मनानियां।
सतमासा हिमाचली गीत
चढ़िया म्हीना चेत्र, चेत्र फुल्ल लाया जी
जिन्हां दे कंत परदेस, उन्हां नी लाया जी।
चढ़िया म्हीना बसाख, अंग्रणे पक्की दाख
दाखा प्यारियां पक्कियां
जिन्हां दे कंत परदेस उन्हां नीं चक्खियां।
चढ़िया ग्हीना जेठ, जेठे ज्वाला जगमगी
सुकी जादे नदियां दे नीर
सुकण सरीर दर्द नमाणी ए।
चढ़िया म्हीना हाड़, हंडी पुकारे
जोबन ढ़िया
हत्थें तलुआर कुसी मत मारदी।
चढ़िया म्हीना सौण, सौहणें रहण धनी
सुन््नी थी हरी जी दी सेज, राधा तड़फदी।
चढ़िया म्हीना काला, कि कालियां रातीं जहेरियां
जिन्हां दे कंत परदेस, उन्हां सोचां घेरियां।
चढ़िया म्हीना अस्सू, सुणेयां मेरिए ससु
मैं करदी सोलह संगार, सीस गुदांदियां।
तुसां चल्ले परदेस
तुसां चल्ले परदेस हिमाचली गीत
हुसां चल्ले परदेस स्हाड़े जिगरे थोड़े।
चैत्र न जाई पिया फुल्ल हर भांत,
बसाख ता दाखां प्यारियां पक्किया।
जेठ न जाई पिया गरमी दा जोर,
हाड़ वां अम्बियां पक्कियां।
लैरें न जाई पिया बरखा दा जोर,
काले तो रातीं नहोरियां।
भरियां बंदूका हिमाचली गीत
भरियां बंदूकां राजा होया तयार
मारी जे लैणा छेले बागे दा मोर।
न तुसां मारयो राजा चिड़ियां तोते
न तुसां मारयो छेले बागे दा मोर।
क्या ओझे लगदे राणी चिड़ियां तोते
क्या ओझे लगदे छेले बागे दा मोर।
सस्सु दे जाया राजा चिड़ियां तोते
अम्मां दा जाया छेले बागे दा मोर
भरियां बंदूकां राजे खेलेया सिकार
मारी जे ल््यौंदा छेले बागे दा मोर।
उठो जी राणी ठुसां करियो रसो
अब्बल बणायो छेले बागे दा मोर
सिरें भी पीड़ राजा बखिया भी पीड़
साढ़े ते नी बणदा छेले बागे दा मोर।
उठो जी राणी ठुसां खाई लो रसो
अब्बल बणायो छेले बागे दा मोर
उच्चे जे चढ़ के राणिया दितियो है छाल
जान गवाणी वीरा तेरे ही नाल।
हरिए नी भरिए हिमाचली गीत
हरिए नी भारिए सब्ज खजूरे, पतलू जिन्हां दे पिउले ओ
कत जिन्हां दे नित मसाफर, नारां दे क्या हीले ओ।
राज बिना कोई राजा जे झूरे, वैद बिना कोई रोगी ओ।
ओ कते बिना कोई नार जे झूरे, तिन्नों फिरन बजोगी ओ।
उच्ची उच्ची रिढ़िया सीस गुदांदिया, लम्मीयां रखदी लरजीं ओ
दिला दा मैहरम कोई नी मिलेया, जो मिलेया अलगरजी ओ।
बागां दे बिच कोयल बोल्ले, मैं जाणेया कोई माली ओ
कढी कालृजा हाजर कीत्ता, पिंजरा रेही गिया खाली ओ।
डुटिया फटेया फटा पराणा, कोई नीं सींदा दरजी ओ।
दिलां दा मेहरम कोई नीं मिलेया, जे मिलेया अलगरजी ओ।
फटेया चोला होया पराणा, ना सीए कोई दरजी ओ
दिलां दा मेहरम कोई नीं मिलेया, जे मिलेया अलगरजी ओ।
गब्दण हिमाचली गीत
बाड़िया दे बणे राजा हेड़े जो चलेया
गद्दण तमासे जो आई ओ
चार सपाही राजें दड़ बड़ भेजे
गद्दण बांकी चुकी डोलूं पाई ओ
मेरेया बांकेया राजेया।
छोड़ छोड़ राजा मेरे सालुए दा लड़
मैं तां नार पराई ओ
मेरेया बांकेया राजेया।
भूईयां दा सौणा गद्दणी छोड़ी छोड़ी देणा
पलृषां दे सोणे जो आ बो
मेरिए बांकिए गद्दणी।
पलृषां दा सौणा ठुसां राजेयाँ जो बणदा
जी राणियां जो बणदा
भूईयां दा सौणा असां जो
मेरेया बांकेया गद्दिया।
लूंहडे दा खाणा गद्दणी छोड़ी छोड़ी देणा
सूने दे थालां च खाणा बो
मेरिए बांकिए गद्णी।
थालां दा खाणा राजेयां राणियां जो बणदा
लूंहडे च खाणा असां दा
मेरेया बांकेया राजेआ।
उन्नी दा चोला गद्दणी छोड़ी छोड़ी देणा
रेशमी परोशाकां पा बो
मेरिए बांकिए गद्दणी।
रेशमी पोशाकां राजेया राणियां जो बणियां
उन्नी दी चोला असां जो
मेरेया बांकेया राजेया।
इक दिन राजा गद्दणी छली छलू पुच्छदा
गद्दी पिआरा कि मैं बो
मेरिए बांकिए गद्दणी।
थोड़ी थोड़ी ममता राजा तुसां दी बी लगदी
गद्ृदए दे नाएं लगदी छुरी ओ
मेरेया बांकेया राजेया।
थोड़ी थोड़ी बुरी राजा छेलुआं दी लगदी
राजा भेडुआं दी लगदी
गद्दिए दे नाएं बजदी छुरी ओ
मेरेया हरिसिंघा राजेया।
महलां दे हेठ गद्दी भेडा जे चारे
मुरलिया रूणक सुणाई बो
मेरेया बांकेया गद्िदिया।
गब्दण रूपांतर हिमाचली गीत
लईं के नगारे जो राजा हेड़े जो चलेया
लोक तमासे जो आए, जिया हो...
मेरेया हरिसिंघा राजेया।
लगा दे बारें गद्दण बकरियां चारदी
राजे दिया नजरीं पई, जिया हो...
मेरिए हीरां गदरोटिए हो।
थोड़ी तां थोड़ी राजा साहंबां दी लगदी
गदिदये दी बज्जी जांदी छुरी, जिया हो
मेरेया हरिसिंघा राजेया।
भागसूए दिया धारा हिमाचली गीत
भागसूए दिया धारा ओ गद्दणी
भेडा चारणा जाणा ओ।
पैरा दी मैं नंगी ओ दयोरा
गोदिया बालक याणा ओ।
पैरा जो मैं मोचडू लई दिया
बालक मैं खलाणा ओ
भागसूए दिया धारा ओ गद्दणी...।
भागसूए दिया धारा ओ गद्दणी
घाए बढणा जाणा ओ।
अगे दी मैं नंगी बो दयोरा
गोदिया बालक याणा ओ।
अगे जो मैं चोलणी लई दिंगा
बालक मैं खलाणा ओ
भागसूए दिया धारा ओ गद्दणी...।
भागसूए दिया धारा ओ गद्दणी
लकडुआं हुंजणा जाणा ओ।
सिरे दी में नंगी ओ दयोरा
गोदिया बालक याणा ओ।
सिरे जो मैं सलुआ लई दिंगा
बालक मैं खलाणा ओ।
भागसूए दिया धारा ओ गद्दणी...।
मेला नंदपुर दा हिमाचली गीत
कूंजां
ओ मेला नदपुर दा
ओ मेले तां जाणा जरूर।
मेले तां जाणा, सौगी चल्ले मेरा देर
ओ मेला...।
मेले तां जाणा, घघरूए चुके मेरा देर
ओ मेला...।
अटठां गजां दी घघरी सियादी
दस्सा गजां दो फेर।
ओ मेला...
मेले तां जाणा, सौगी चलल्ले मेरा देर।
ओ मेला...।
उडदियां कूंजां जाई पुजियां पठियार
भाभो मंगदी गले जो हार
इक गल सुणी लेआं देरा!
ओ मेरेया बाकेया देरा!
ओ कूंजां जाई पईयां बरोट
चिट्टे दंद गुलाबी होठ
इक पल बही लेबां देरा!
ओ मेरेया बाकेया देरा!
कूंजां जाई पईयां कलेसर
भाभो तोले दी मंगदी बेसर
बुरत घड़ाई दयां देरा!
ओ मेरेया बाकेया देरा!
कूंजां जाई पाईयां मंडिया
साग रिझिदा कालिया हण्डिया
दुध भत खाई जायां देरा!
ओ मेरेया बाकेया देरा!
ओ कूंजां जाई पुजियां पपरोलें
भाभो रोंदी डुघड़े खोहले
कि इक गल्ल सुणी जाया देरा
ओ मेरेया बाकेया देरा!
इंदरवेई हिमाचली गीत
कुथू ते उगमी काली बादली
ओ! मुंडेया प्रथीसिघा!
कुथू ते उगमेया ठण्डा नीरे वे हा।
छातियां ते उगमी काली बादली
ओ कुड़िए इदरदेईए!
नैणा ते उगमेया ठण्डा नीर वे हा।
कुन्हीं तां रंगी तेरी पागड़ी
ओ! मुंडेया प्रथीसिंघा!
कुन्हीं ता कढेया रमाल वे हां।
भाबो तां रंगी मेरी पागड़ी
ओ! कुड़िए इन्दरदेईए!
नारा तां कढेया रमाल वे हां
बिज तां कड़के तेरिया भाबिया
ओ! मुंडेया प्रथीसिघा!
नारा जो डसे काला नाग वे हां।
बिज तां हुंदी साढ़ी कुल॒ज
नी कुड़िए इदरदेईए!
नाग तां कुले दा परोहत वे हा!
इंदरवेई -2 हिमाचली गीत
पारे जादेया नौकरा! ओ चाकय!
कीनी रंगी तेरी पागड़ी, कीनी काढ़िया रमाल
भैणी रंगी मेरी पागड़ी, नारे कढ़िया रमाल।
केही जेही तेरी भेनड़ी ओ, केही जेही तेरी नार
तेही जेही मेरी भेनड़ी ओ, तेते सुआई मेरी नार।
नारां देयां तू छठी ओ नौकरा, दो नैणा रिया मारेया।
Comments