दामाद के गीत मालवी लोकगीत Damad Geet Malvi Lokgeet lyrics in Hindi
अकूम्बे-अकूम्बे म्हारो घर भरियो जी जमई जी / मालवी
अकूम्बे-अकूम्बे म्हारो घर भरियो जी जमई जी
कागद छाया म्हारा मेल
हो जमई आया सासरे
मौजा पेरो तो म्हारा चौक में हो जमई जी
मेंदी निरखी ने मेलां आव
हो रंगीला आया सासरे
जामा पेरो तो म्हारा चौक में हो जमई जी
सोना निरखी ने मेलां आव
हो लिखन्दा आया सासरे
पटका पैरो तो म्हारा चौक में हो जमई जी
दुलमन निरखी ने मेलां आव
हो हंसाकू आया सासरे
कंठी पेरो तो म्हारा चौक में हो जमई जी
चऊँसर निरखी ने मेलां आव
हो रिसाकू आया सासरे
मोती पेरो तो म्हारा चौक में हो जमई जी
लीलम निरखी ने मेलां आव
हो केसरिया आया सासरे
चीरा पेरो तो म्हारा चौमें हो जमई जी
पेचां निरखी ने मेलां आव
हो छबीला आया सासरे
तेजी बैठो तो म्हारा चौक में हो जमई जी
चाबुक निखरी ने मेलां आव
हो रंगीला आया सासरे
हारे वाला ऊँची-नीची सरवर पाल / मालवी
हारे वाला ऊँची-नीची सरवर पाल
जमई धावे धोपती जी म्हारा राज
हांरे वाला कोनस राम रा गज भीम
कोणजी घर पावणा जी म्हारा राज
हां वो दासी ताता-सा पाणी समोव
जमई न्हावे न्हावणा जी म्हारा राज
हां वो बाई ताता सा भोजन परोस
जमई जीने जीमणा जी म्हारा राज
हां वो दासी ठंडी सी झारी भरलाव
जमई पीवे पीवणी जी म्हारा राज
हां वो दासी पाना रा विड़ला लगाव
जमई बीड़ा चावसी जी म्हारा राज
हां वो दासी मेलां में दिवलो संजोव
चमई चौपड़ खेलरन्यां जी म्हारा राज
हां वो दासी तेलां री खबर मंगाव
न्योण हारिया ने कोण जीत्याजी म्हारा राज
हां वो वाई हरिया साता-पाचां री
रामां री बाई जीत्याजी म्हारा राज
हां रे वाला आई जमायां ने रीस
वाई ने ताज्या ताजणा जी म्हारा राज
हां रे वाला आई जमाई जी ने रीस
भेलां से नीचे ऊतरियाजी म्हारा राज
हां रे वाला दई-दई दादाजी री आन
वाई ने पाछा फेरिया जी म्हारा राज
हां रे वाला दई-दई वीराजी री आन
वाई ने पाछा फेरियाजी म्हारा राज
मोजा पेरो जमई, मेंदी निरखो जमई / मालवी
मोजा पेरो जमई, मेंदी निरखो जमई
छोटा खोटा जमई
लांबा लापर जमई
जामा पेरो जमई
कड़ा पेरो जमई
पोंची निरखो जमई
कंठी पेरो जमई
चौसर निरखो जमई
चूनी निरखो जमई
पागां बांदो जमई
पेचां निरखो जमई
छोटा-खोटा जमई
लांबा-लापर जमई
जगमग राज रा भोजा / मालवी
जगमग राज रा भोजा
जगमग राज री मेंदी
जगमग राज री पेरण री चतराई हो
ऐसा म्हारा राज जमई जी, सासरिया में सोवे जी
सासरिया में सोपे जमई जी, सासू लाड़ लड़ावे जी
जगमग राज रा जामा, ने जगमग राज री केसर
जगमग राज री पेरण री चतराई जी
जगमग राज राकड़ा, जगमग राज री पोंची
जगमग राज री कंठी, जगमग राज री डोरा
जगमग राज रा मोती, जगमग राज री चूनी
जगमग राज री पेरण री चतराई हो
मोजा पेरो, मोजा पेरो, मोजा पैरो राज / मालवी
मोजा पेरो, मोजा पेरो, मोजा पैरो राज
मोजा ऊपर मेंदी सोये
पेरण री चतराई
हो म्हारा रंगीला जमाई
थाने गाल गावां राज
गाल गावां, गीत गावां
इना कररन्यां लाड़ जी
म्हारो बई से टेढ़ा बोलो
यां पर आवे रीस हो
म्हारा खांतीला जमई
थाने गाल गावां राज।
आप लापर, बाप लापर
लापर सोई परवार जी
काका-काकी वे बी लापर
जेका भतीजा आप हो
मामा-मामी वे बी लापर
जेका भाणेज आप ही
भाई-भाभी वे बी लापर
जेका भाई आप हो
बूवा-फूफा वे बी लापर
जेका भतीजा आप हो
बेन-बेनोई वे बी लापर
जेका साला आप हो
मावसी-मावसा वे बी लापर
जेका भतीजा आप हो
आजा-आजी वे बी लापर
जेका नात्या आप हो
माय-बाप वे बी लापर
जेका जामा आप हो
जामा पेरो, जामा पेरो, जामा पेरो राज।
जामा ऊपर सोना सोहे
पेरण री चतराई
हो म्हारा लिखन्दा जमई
पटका ऊपर हुलमन सोवे
पेरण री चतराई
हो म्हारा हंसालू जमाई
कंठी ऊपर डोरा सोहे
पेरण दी चतुराई
हो म्हारा रिसाकू जमाई
पागां ऊपर बेचां सोवे
हो म्हारा छबीला जमाई
तेजी ऊपर चाबुक सोवे
बैठण री चतूराई
हो म्हारा प्यारा जमाई
कड़ा ऊपर पोंची मोवे
मोती ऊपर चूनी सोवे
हो म्हारा नखराला जमाई
Comments
Post a Comment